Covid Update অ’মিক্ৰণৰ আতংকৰ মাজতে অসমত কোভিড পজিটিভিটিৰ হাৰ এতিয়াও ১ শতাংশৰ তলতে আছে আৰু দৈনিক সংক্ৰমণো প্ৰায় নিয়ন্ত্ৰণাধীন হৈ আছে।
সোমবাৰৰ দিনটোত ৰাজ্যখনত কোভিডত ৬ গৰাকী লোকে প্ৰাণ হেৰুৱাইছে। দেওবাৰে ৰাজ্যখনত কোভিডত প্ৰাণ হেৰুৱাইছিল ৪ গৰাকী লোকে ।
বিগত ২৪ ঘণ্টাত ৰাজ্যত কৰ’না ভাইৰাছত আক্ৰান্ত হৈছে ১৮২গৰাকী লোক।
এই সময়ছোৱাত ৩৬,২০১টা কোভিড পৰীক্ষা সম্পন্ন কৰা হয়।
কামৰূপ মেট্ৰ’ত বিগত ২৪ ঘণ্টাত কোভিডত আক্ৰান্ত হৈছে ৫৯ গৰাকী লোক। সেইদৰে ২২গৰাকী তিনিচুকীয়াত, ১২গৰাকী বৰপেটাত আৰু ১২গৰাকী ডিব্ৰুগড়ত আক্ৰান্ত হৈছে।
Also Read: অসম চৰকাৰৰ কৰ্মচাৰীলৈ সুখবৰ: মৰগীয়া বানচ ৩ শতাংশলৈ বৃদ্ধিৰ নিৰ্দেশ বিত্ত বিভাগৰ
ৰাজ্যত বৰ্তমান কোভিডত আক্ৰান্ত হৈ চিকিৎসাধীন হৈ আছে ১১৯৭গৰাকী ৰোগী।
সোমবাৰৰ দিনটোত ৰাজ্যত কোভিডৰ পৰা সুস্থ হৈ উঠিছে ১২২গৰাকী লোক।
কোভিড পজিটিভিটিৰ হাৰ হৈছে ০.৫০ শতাংশ। এই সময়ছোৱাত সুস্থতাৰ হাৰ হৈছে ৯৮.৬০ শতাংশ।
Summary of 06/12/2021
Today’s Total 182
Overall Positivity Percentage (182 cases out of 36,201 test done = 0.50%)
Kamrup(M) 59
Death 6
Recovery Rate 98.60%
— Himanta Biswa Sarma (@himantabiswa) December 6, 2021
দেশত কৰ’নাৰ নতুন ভেৰিয়েন্ট অ’মিক্ৰণৰ সংক্ৰমণ বৃদ্ধি পাবলৈ ধৰাৰ পাছত স্বাভাৱিকতে মানুহৰ মনত নতুন আশংকাৰ সৃষ্টি হৈছে।
ইপিনে, অ’মিক্ৰণৰ আতংকৰ মাজতে অসম চৰকাৰে দেওবাৰে কোভিডৰ নতুন SOP জাৰি কৰিছে।
এই এছঅ‘পি অনুসৰি বিদেশ ভ্ৰমণ কৰি অহা যাত্ৰী তথা আন্তঃৰাষ্ট্ৰীয় ভ্ৰমণকাৰীয়ে ৰাজ্যৰ বিমান বন্দৰত অৱতৰণৰ পাছত ক’ভিড পৰীক্ষণত নিগেটিভ হ’লেও ন্যূনতম ৭ দিনৰ বাবে হোম কোৱাৰেণ্টিনত থাকিব লাগিব।
Also Read: উত্তৰ পূৰ্বাঞ্চলৰ সম্পদৰাজিক বিশ্বৰ বজাৰখনলৈ নিয়াৰ লক্ষ্য এন ই আই অ’ এম আৰু কে এ এছ জাপানৰ
আনহাতে, ক’ভিড প’জিটিভ ওলালে নিৰ্দিষ্ট প্ৰট’কল অনুসৰি চিকিৎসাধীন কৰাৰ লগতে তেনে যাত্ৰীৰ নমুনা জেন’মিক পৰীক্ষাৰ বাবে উপযুক্ত পৰীক্ষাগাৰলৈ প্ৰেৰণ কৰা হ’ব। বিমান বন্দৰত অৱতৰণৰ পাছতে বিদেশ ভ্ৰমণ কৰি অহা বা আন্তঃৰাষ্ট্ৰীয় ভ্ৰমণকাৰী সকলো যাত্ৰীৰে ক’ভিডৰ আৰটি পিচিআৰ পৰীক্ষাও বাধ্যতামূলক কৰা হৈছে।
বিমানবন্দৰত এই ক‘ভিড পৰীক্ষাৰ পৰা ৫ বছৰৰ শিশু ভ্ৰমণকাৰীক ৰেহাই দিয়া হ’ব। অৱশ্যে এনে শিশু যাত্ৰীৰ শৰীৰত ক’ভিডৰ লক্ষণ পৰিলক্ষিত হ’লে তেওঁৰ ক’ভিড পৰীক্ষা কৰা হ’ব।