ৰাষ্ট্ৰীয় সাহসিকতা বঁটাৰ বাবে প্ৰেৰণ মিছামাৰীৰ উত্তম তাঁতীৰ নাম, মুখ্য মন্ত্ৰীয়ে ল’লে শলাগ

ভৰ বাৰিষাৰ নৈ সাঁতুৰি দেওবাৰে এগৰাকী মহিলা আৰু তেওঁৰ সন্তানক উদ্ধাৰ কৰা শোণিতপুৰ জিলাৰ মিছামাৰীৰ কিশোৰ উত্তম তাঁতীৰ সাহসৰ শলাগ লৈছে মুখ্য মন্ত্ৰী সৰ্বানন্দ সোণোৱালে।

১১ বছৰীয়া কিশোৰগৰাকীৰ শলাগ লৈ মুখ্য মন্ত্ৰী সোণোৱালে টুইট কৰিছে, “শোণিতপুৰ জিলাৰ মিছামাৰীৰ ১১ বছৰীয়া উত্তম তাঁতীৰ সাহসী কৰ্মৰ বাবে কোনো শব্দই পৰ্য্যাপ্ত নহ’ব।”

শোণিতপুৰ জিলা প্ৰশাসনে উত্তমৰ নাম ৰাষ্ট্ৰীয় সাহসিকতা বঁটাৰ বাবে প্ৰেৰণ কৰাৰ লগতে কিশোৰগৰাকীৰ পঢ়া-শুনাৰ দায়িত্ব গ্ৰহণ কৰিছে।

No words would be enough for the courageous act done by 11-year-old Uttam Tati of Missamari, Sonitpur. He saved the life of a woman and her child who fell into a river. Hats off to his bravery! pic.twitter.com/ESxYaiX27H

— Sarbananda Sonowal (@sarbanandsonwal) July 10, 2019

লগতে উত্তমক জিলা উপায়ুক্তই এখন চাইকেল আৰু দহ হাজাৰ টকাৰ আৰ্থিক সাহায্য প্ৰদান কৰিছে।

দুটা সন্তানৰ সৈতে দীপিকা তাঁতী নামৰ মহিলা এগৰাকী মিছামাৰীৰ দীঘলজুৰি নৈ পাৰ হোৱা অৱস্থাত উটি গৈছিল।

ঘটনাটো দেখা পাই উত্তমে নৈত জাঁপ দি মহিলাগৰাকী আৰু তেওঁৰ এটা সন্তানক উদ্ধাৰ কৰে। কিন্তু আনটি সন্তান নৈৰ সোঁতত উটি যায়।