অসমৰ প্ৰথমগৰাকী মুখ্যমন্ত্ৰী ভাৰতৰত্ন গোপীনাথ বৰদলৈৰ নাতিনী কংগ্ৰেছ নেত্ৰী তথা ৰবীন বৰদলৈৰ কন্যা অসীমা বৰদলৈয়ে শনিবাৰে কংগ্ৰেছ দলৰ পৰা পদত্যাগ কৰিছে।
পদত্যাগ কৰি অসীমা বৰদলৈয়ে কয় যে তেওঁ অত্যন্ত গভীৰ দুখৰ সৈতে কংগ্ৰেছ দল ত্যাগ কৰিছে।
পদত্যাগৰ পিছতে সংবাদ মাধ্যমক বৰদলৈয়ে কয় যে কংগ্ৰেছ দলে বৰদলৈ উপাধিটোহে ব্যৱহাৰ কৰিলে যদিও প্ৰকৃত সন্মান দিয়া নাই।
লগতে পঢ়ক: চৰকাৰে ন্যায়াধীশসকলক অপমান কৰিছে, এয়া নতুন প্ৰৱণতা: দেশৰ মুখ্য ন্যায়াধীশ এন ভি ৰামানা
দলটোৰ কামকাজত অসন্তুষ্টি প্ৰকাশ কৰি অসীমা বৰদলৈয়ে বিধানসভা নিৰ্বাচনৰ সময়তো তেওঁক দলে সহায় নকৰাৰ অভিযোগ কৰে।
বৰদলৈৰ অভিযোগ টকা নাপালে দলটোৱে দলৰ সদস্যজনক কোনো গুৰুত্ব বা সন্মান নিদিয়ে।
আনহাতে, বৰদলৈয়ে বিজেপি বা আন কোনো দলত যোগদান কৰাৰ তেওঁৰ কোনো পৰিকল্পনা নাই বুলি সাংবাদিকক জানিবলৈ দিয়ে।
লগতে পঢ়ক: কৰ’নাৰ সংক্ৰমণক লৈ উদ্বেগৰ কাৰণ দেশৰ ৫ খন ৰাজ্য; সতৰ্ক কৰি দিলে কেন্দ্ৰই
উল্লেখ্য যে যোৱা বিধানসভাৰ নিৰ্বাচনত কংগ্ৰেছ দলৰ হৈ পূব গুৱাহাটী সমষ্টিৰ পৰা নিৰ্বাচন খেলি বিজেপিৰ সিদ্ধাৰ্থ ভট্টাচাৰ্যৰ হাতত অসীমা বৰদলৈ পৰাজিত হৈছিল।
