কৰ’নাভাইৰাছৰ বিৰুদ্ধে যুঁজাৰ বাবে দেশৰ প্ৰতিৰক্ষা মন্ত্ৰ্যালয়ৰ সমূহ কৰ্মচাৰীয়ে প্ৰধান মন্ত্ৰীৰ পি এম কেয়াৰ্ছ পুঁজিলৈ এদিনৰ দৰমহা আগবঢ়াব।
প্ৰতিৰক্ষা মন্ত্ৰী ৰাজনাথ সিঙে এই প্ৰস্তাৱত অনুমোদন জনাইছে।
এই সাহায্যৰ পৰিমাণ প্ৰায় ৫০০ কোটি টকা হ’ব বুলি অনুমান কৰা হৈছে।
প্ৰতিৰক্ষা মন্ত্ৰ্যালয়ৰ সেনা, বায়ু সেনা, নৌ সেনা তথা আন শাখাসমূহৰ পৰা সামূহিকভাৱে এই সাহায্য প্ৰধান মন্ত্ৰীৰ পুঁজিলৈ প্ৰদান কৰা হ’ব।
ইতিমধ্যে আদানী ফাউণ্ডেচন, ক্ৰিকেটাৰ শচীন টেণ্ডুলকাৰ, বলিউদ তাৰকা অক্ষয় কুমাৰকে আদি কৰি বহুলোকে প্ৰধান মন্ত্ৰীৰ পি এম কেয়াৰ্ছ পুঁজিলৈ সাহায্য আগবঢ়াইছে।
প্ৰধান মন্ত্ৰী নৰেন্দ্ৰ মোদীয়ে মুক্তমনে সকলো লোককে পি এম কেয়াৰ্ছ পুঁজিলৈ সাহায্য প্ৰদানৰ বাবে আহ্বান জনাইছে।
“COVID-19 মহামাৰীৰ দৰে পৰিস্থিতিয়ে থিয় কৰোৱা যিকোনো ধৰণৰ জৰুৰী বা পীড়াদায়ক পৰিস্থিতিৰ সৈতে মোকাবিলাৰ প্ৰাথমিক লক্ষ্যৰ সৈতে ই হ’ব এটা উৎসৰ্গিত ৰাষ্ট্ৰীয় পুঁজি,” প্ৰধান মন্ত্ৰী নৰেন্দ্ৰ মোদীয়ে কৈছিল।
আপুনিও প্ৰধান মন্ত্ৰীৰ সাহায্য পুঁজিলৈ বৰঙনি আগবঢ়াব পাৰে।
পি এম কেয়াৰ্ছ পুঁজিৰ একাউণ্ট নম্বৰ হৈছে 2121PM20202, IFSC SBIN0000691. SWIFT ক’ড হৈছে SBININBB104 (।)
তাৰোপৰি pmindia.gov.inত ইউ পি আই, নেট বেংকিং, আৰ টি জি এছ, এন ই এফ টি আৰু ডেবিট আৰু ক্ৰেডিট কাৰ্ডৰ জৰিয়তেও বৰঙনি আগবঢ়াব পাৰে।
#PMCaresFundsৰ ইউ পি আই আই ডি হৈছে [email protected] (।)
