১৮১৭গৰাকী ব্যক্তিয়ে মঙলবাৰে ক’ভিড১৯ৰ পৰা আৰোগ্য হৈ অসমত চিকিৎসালয় এৰিছে।
এইসকলক ধৰি অসমত ক’ভিডৰ পৰা আৰোগ্য হোৱা লোকৰ সংখ্যা ১,৩০,৯৪৭লৈ বৃদ্ধি পাইছে।
অসমত বৰ্তমান সক্ৰিয় ক’ভিড ৰোগীৰ সংখ্যা ২৯,৮৫৭ (।)
আনহাতে ২০৭৩গৰাকী ব্যক্তি মঙলবাৰে অসমত ক’ভিড১৯ পজিটিভ চিনাক্ত হৈছে।
২৯,৬৪৭টা ক’ভিড টেষ্টত এইসকল ব্যক্তিক পজিটিভ পোৱা গৈছে।
টেষ্টৰ তুলনাত পজিটিভৰ হাৰ হৈছে ৬.৯৯ শতাংশ। সোমবাৰে এই হাৰ আছিল ৭.৪২ শতাংশ।
পজিটিভ চিনাক্তসকলৰ ভিতৰত আছে কামৰূপ মহানগৰৰ ৩৪৪, ডিব্ৰুগড়ৰ ১৬৮, যোৰহাটৰ ১৬৬ আৰু গোলাঘাটৰ ১২৫গৰাকী ব্যক্তি।
এইসকল ব্যক্তিক ধৰি অসমত এতিয়ালৈকে চিনাক্ত মুঠ ক’ভিড আক্ৰান্তৰ সংখ্যা ১,৬১,৩৯৩লৈ বৃদ্ধি পাইছে।
ইয়াৰে তিনিগৰাকী আন ঠাইলৈ স্থানান্তৰিত হৈছে।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
ইপিনে আৰু আঠগৰাকী ক’ভিড১৯ ৰোগীয়ে অসমত প্ৰাণ হেৰুৱাইছে, মঙলবাৰলৈকে মুঠ মৃতকৰ সংখ্যা ৫৮৬লৈ বৃদ্ধি পাইছে।
শেহতীয়াকৈ প্ৰাণ হেৰুওৱা লোককেইগৰাকী হৈছে— ডিব্ৰুগড়ৰ ভগীৰথ শৰ্মা (৮৫), দৰঙৰ জোনাক চন্দ্ৰ ভূঞা (৭৬), বৰপেটাৰ পৰেশ চন্দ্ৰ আৰিয়া (৬৫), কামৰূপ মহানগৰৰ প্ৰভেশ্বৰ ৰাভা (৫৫) আৰু সুৰেন্দ্ৰ নাথ দাস (৭৪), বঙাইগাঁৱৰ মহোদৰ চন্দ্ৰ পাঠক (৮৪), যোৰহাটৰ প্ৰদীপ গগৈ (৭০) আৰু কাছাৰৰ মল্লিকা দেব চৌধুৰী (৬৬)।
📌 Discharge Alert
1⃣8⃣1⃣7⃣ patients discharged today
Eat healthy and take proper rest to boost immunity.#StaySafe
😊Total Discharged Patients: 130947
😑Active Patients: 2985710:10 PM/Sept 22#AssamFightsCovid pic.twitter.com/ba9iLilrej
— Himanta Biswa Sarma (@himantabiswa) September 22, 2020
