অসম আৰক্ষীৰ এটা অতি অমানৱীয় আৰু সংবেদনহীন কাণ্ডৰ এটা ভিডিঅ’ ভাইৰেল হৈছে য’ত দৰঙৰ ছিপাঝাৰত আৰক্ষীয়ে দুটা মৃতদেহ প্লাষ্টিক/পলিথিন বেগত মেৰিয়াই এখন বাহনলৈ চোচৰাই লৈ যোৱা দেখা গৈছে।
ভাইৰেল হোৱাৰ পিছত এই ঘটনাই ব্যাপক সমালোচনাৰ সন্মুখীন হৈছে।
খবৰ অনুসৰি দুর্ঘটনা সংঘটিত হৈ মৃত্যু হোৱা মৃতদেহ দুটা এক পিতৃ-কন্যাৰ৷
দৰং জিলাৰ মঙলদৈৰ শাকতোলাৰ সমীপত স্কুটিৰে গৈ থকা অৱস্থাত মথুৰা নাথ ডেকা আৰু নন্দিতা ডেকা নামৰ দুই পিতৃ-কন্যা দুৰ্ঘটনাত পতিত হয়।
লগতে পঢ়কঃ মাটি খান্দি উদ্ধাৰ কৰা হ’ল সন্ধানহীন ৫০ বছৰীয়া মহিলাৰ খণ্ডিত মৃতদেহ! যোধপুৰত নিৰ্মম ঘটনা
পথৰ দাঁতিত ৰখাই থোৱা এখন ট্ৰাকৰ সৈতে খুন্দা মাৰে তেওঁলোকৰ স্কুটিয়ে।
তেওঁলোক পথত বাগৰি পৰাৰ পিছত কোনোবা আগবাঢ়ি অহাৰ আগতেই দ্ৰুতগতিত অহা এখন ট্ৰাক ৰখাব নোৱাৰি তেওঁলোকৰ ওপৰেৰে পাৰ হৈ যায়।
ঘটনাৰ সময়ত দুয়োজনেই গুৰুতৰভাৱে আঘাতপ্ৰাপ্ত হয় আৰু কোনো ধৰণৰ চিকিৎসা সাহায্য লাভ কৰাৰ পূৰ্বেই মৃত্যুমুখত পৰে।
ঘটনাৰ পিছতে আৰক্ষীক জনোৱা হয় আৰু তদন্তৰ বাবে আহি তাত উপস্থিত হয়।
লগতে পঢ়কঃ ইজৰাইলৰ প্ৰকাশন সংস্থাসমূহক বৰ্জন কৰিলে বিশ্বৰ ১ হাজাৰ গৰাকী আগশাৰীৰ লেখকে
কিন্তু মৃতদেহ উদ্ধাৰ কৰাৰ সময়তে বিতৰ্ক আৰম্ভ হয়।
মৃতদেহ দুটা উদ্ধাৰ কৰিবলৈ ষ্ট্ৰেচাৰ বা অন্যান্য পদ্ধতি ব্যৱহাৰ কৰাৰ পৰিৱৰ্তে দেখা যায় যে আৰক্ষী বিষয়াসকলে মৃতদেহ নীলা প্লাষ্টিক বেগত মেৰিয়াই লৈ মৃতদেহ দুটা ৰছীৰে টানি চোচৰাই নিবলৈ ৰখা নিৰ্ধাৰিত বাহনখনলৈ লৈ যায়।
ইয়াৰ ফলত কৰ্তব্যৰত আৰক্ষী বিষয়াসকল তীব্ৰ সমালোচনাৰ সন্মুখীন হৈছে।
অৱশ্যে অসম আৰক্ষীৰ সঞ্চালক প্ৰধান জি পি সিঙে এই ঘটনা সন্দৰ্ভত তদন্ত কৰা হ’ব বুলি অৱগত কৰে।
লগতে পঢ়কঃ ওজন হৈছিল ১৭ কেজি! ডায়েট কন্ট্ৰোলৰ পিছতেই মৃত্যু ঘটিল বিশ্বৰ আটাইতকৈ মোটা মেকুৰীটোৰ
তেওঁ এক্সত লিখিছে, “দৰঙৰ ছিপাঝাৰত পথ দুৰ্ঘটনা প্ৰসংগ – উক্ত ঘটনাৰ পৰিস্থিতি জানিবলৈ তদন্তৰ নিৰ্দেশ দিয়া হৈছে।”
