সুৰাৰ ৰাগীত মাতাল হৈ শ্ৰমিকক মহতিয়াই নিয়া মডেল ৰাজকন্যাক কাইলৈৰ ভিতৰত থানাত হাজিৰ হোৱাৰ নিৰ্দেশ দিয়া হৈছে।
ৰাজকন্যা বৰুৱা সাৰি নাযায়। পুনৰ গ্ৰেপ্তাৰ হ’ব পাৰে ৰাজকন্যা বৰুৱা৷
দিছপুৰ আৰক্ষীয়ে ৰাজকন্যালৈ জাৰি কৰিছে চমন।
আৰক্ষীয়ে ৰাজকন্যাক ঘৰত বিচাৰি গৈছিল যদিও ৰাজকন্যাৰ ঘৰত ওলমি আছে তলা। অসুস্থতাৰ দোহাই দি জি এন আৰ চিত ভৰ্তি হৈ আছে ৰাজকন্যা।
তাৰপাছতে হাস্পতাললৈ গৈ থানাত হাজিৰ হোৱাৰ নিৰ্দেশ দিয়ে আৰক্ষীয়ে।
উল্লেখযোগ্য যে, সান্ধ্য আইনৰ মাজতে দিছপুৰত ভয়ংকৰ দুৰ্ঘটনা সংঘটিত কৰা ৰাজকন্যা বৰুৱাক জামিনৰ সুযোগ দিয়া দুই আৰক্ষী বিষয়া উপ পৰিদৰ্শক ছাহিৰ আলী আৰু মহিলা উপ পৰিদৰ্শক আভাৰাণী গগৈৰ ইতিমধ্যে ৰিজাৰ্ভ ক্ল’জ কৰা হৈছে।
আৰক্ষী বিষয়া দুগৰাকীৰ বিৰুদ্ধে তদন্তৰ নিৰ্দেশ দিছে মুখ্যমন্ত্ৰীয়ে।
Also read : দুর্ঘটনা সংঘটিত কৰা সুৰামত্ত ৰাজকন্যাক জামিনৰ সুযোগ দিয়া দুই আৰক্ষী বিষয়াৰ ৰিজাৰ্ভ ক্ল’জ
কিহৰ বাবে লোকনির্মাণ বিভাগত কৰ্মৰত ৯ জনকৈ শ্ৰমিকক সান্ধ্য আইনৰ মাজত সুৰাৰ ৰাগীত মাতাল হৈ দুৰ্ঘটনা সংঘটিত কৰিব পালে সুন্দৰী ৰাজকণ্যা বৰুৱাই? এই প্ৰশ্নই এতিয়া ছ’চিয়েল মিডিয়াত তোলপাৰ লগোৱা পৰিলক্ষিত হৈছে।
শনিবাৰে গুৱাহাটীৰ ৰুক্মিণীগাঁৱত সুৰামত্ত অৱস্থাত গাড়ীৰে ন গৰাকীকৈ শ্ৰমিকক মহতীয়াই নিয়া যুৱতী ৰাজকন্যা বৰুৱাই দেওবাৰে জামিন লাভ কৰিছিল।
উল্লেখ্য যে ৰাজকন্যা বৰুৱাৰ বিৰুদ্ধে ভাৰতীয় দণ্ডবিধি আইনৰ ২৭৯, ২৯৪, ৩৮৮ আৰু ৩৫৩ ধাৰাত গোচৰ ৰুজু কৰিছিল আৰক্ষীয়ে। ইয়াৰে তিনিটা ধাৰা হৈছে জামিনযোগ্য। সেইকেইটা হৈছে, ক্ৰমে দ্ৰুত গতিৰে গাড়ী চলোৱা, ৰাজহুৱা স্থানত অশালীন ব্যৱহাৰ কৰা আৰু দ্ৰুত গতিৰে গাড়ী চলাই মানুহক খুন্দিওৱা আদি।
কিন্তু ভাৰতীয় দণ্ডবিধি আইনৰ ৩৫৩ ধাৰাটো আছিল জামিন অযোগ্য। কৰ্তব্যৰত আৰক্ষী বিষয়া বা চৰকাৰী বিষয়াক কৰ্তব্য সম্পাদনত বাধা প্ৰদান কৰা ক্ষেত্ৰত ৩৫৩ ধাৰা প্ৰযোজ্য হয় ।
