ডিব্ৰুগড় জিলা আৰু সত্ৰ ন্যায়াধীশৰ আদালতে ডাঃ সৰিতা তোছনিৱালৰ চাঞ্চল্যকৰ ধৰ্ষণ আৰু হত্যাকাণ্ডৰ গোচৰত ডাঃ দীপমণি শইকীয়াক দোষমুক্ত কৰিছে।
আনহাতে, ৱাৰ্ড বয় কিৰু মেচক ভাৰতীয় দণ্ডবিধিৰ ৩০২ ধাৰাত দোষী সাব্যস্ত কৰা হৈছে। ৰায়দানৰ পিছত তেওঁক কাৰাগাৰালৈ প্ৰেৰণ কৰা হয়। কাইলৈ তেওঁৰ শাস্তি ঘোষণা কৰা হ’ব।
লগতে পঢ়ক: ভাষণ দি থকা মুখ্যমন্ত্ৰীৰ মঞ্চলৈ নিজৰ ১ বছৰীয়া সন্তানক দলিয়াই দিলে পিতৃয়ে! কিন্তু কিয়?
২০১৪ চনৰ ৯ মে’ত ডাঃ দীপমণি শইকীয়া আৰু ৱাৰ্ড বয় কিৰু মেচে কৰ্তব্যৰত অৱস্থাত অসম চিকিৎসা মহাবিদ্যালয় হাস্পতালৰ ভিতৰতে নৃশংসভাৱে হত্যা কৰিছিল সৰিতাক।
ইন্টেনচিভ কেয়াৰ ইউনিটৰ চিকিৎসকৰ কেবিনত মৃত অৱস্থাত উদ্ধাৰ হৈছিল সৰিতা। মৃতকৰ মৃতদেহটো কম্বলেৰে ঢকা অৱস্থাত কেবিনৰ ভিতৰত বিচনাত পৰি আছিল।
হত্যাকাণ্ডৰ দিনটোতে ডিব্ৰুগড় আৰক্ষীয়ে বিভাগটোৰ এজন ৱাৰ্ড বয় ডিব্ৰুগড় জিলাৰ ছিৰিংহোলা গাঁৱৰ নিবাসী কিৰু মেচক গ্ৰেপ্তাৰ কৰে আৰু পিছত তেওঁ অপৰাধ স্বীকাৰ কৰা বুলি জানিব পৰা যায়।
লগতে পঢ়ক: অতি ৰহস্য ঘন! গভীৰ নিশা, দপদপীয়া বৰষুণ; এখন বাহন আৰু SI জোনমণিৰ শেষ নিশা!
মেচে এই কথাও স্বীকাৰ কৰা বুলি জানিব পৰা গৈছে যে দীপমণিয়ে ২৪ এপ্ৰিলৰ নিশা সৰিতাক নৈশ কৰ্তব্যত থকাৰ সময়ত তেওঁক হত্যা কৰিবলৈ কৈছিল যদিও তেওঁ সেইটো সম্পাদন কৰিব পৰা নাছিল।
