প্ৰাক্তন কংগ্ৰেছী অজন্তা নেওগ নীলা শিয়াল। ন বিজেপি অজন্তা নেওগক বিজেপিও আদৰি নলয় কংগ্ৰেছেও আদৰি নলয়। খুমটাই বিধানসভা সমষ্টিৰ বিধায়ক মৃনাল শইকীয়া গুণ্ডামী ৰাজনীতি ওফৰাব প্ৰাক্তন মন্ত্ৰী বিস্মিতা গগৈয়ে। বুধবাৰে এইদৰে কয় কংগ্ৰেছ নেতা সুশান্ত বৰগোহাঁই আৰু ন-কংগ্ৰেছী মীৰা বৰঠাকুৰে।
গোলাঘাট জিলা খুমটাই বিধানসভা সমষ্টিৰ পদুমণিত কংগ্ৰেছৰ নিৰ্বাচনী সভাত দুই কংগ্ৰেছী নেতা আৰু নেত্ৰীয়ে লগতে কয় গুণ্ডামীৰে গণতন্ত্ৰ ৰক্ষা কৰাটো সম্ভৱ নহ’য় আৰু মানুহৰ মন জয় কৰাটোও সম্ভৱ নহ’য়।
একেদৰে অজন্তা নেওগ পূৰ্বৰ পৰাই দূৰ্বল আছিল। দুৰ্বল মনৰ মানুহে ঘৰ এৰি যায়। ক্ষমতাৰ লোভত কংগ্ৰেছৰ নেজত ধৰি ঘূৰিছিল একালৰ এই কংগেছ নেত্ৰী গৰাকীয়ে। এইদৰে অভিযোগ দুই কংগ্ৰেথছী নেতা-নেত্ৰীয়ে।
অজন্তা নেওগক এতিয়া সেয়ে বিজেপিৰ তৃণমূল কৰ্মীসকলে আদৰি লোৱা নাই; যিহেতু ৰাজনীতি এদিনীয়া বিষয় নহ’য়। সুদীৰ্ঘ সময় সাধনাৰ ফল ৰাজনীতি। গোলাঘাট পদুমণিত খুমটাই সমষ্টি ভিত্তিত দলীয় বুথ পৰ্যায়ৰ সভাৰ যোগেদি এইদৰে নিৰ্বাচনী ৰণডংকা বজালে প্ৰাক্তন মন্ত্ৰী বিস্মিতা গগৈয়ে।
আজি সভাত আগন্তুক নিৰ্বাচনত বিজেপি বিধায়ক মৃণাল শইকীয়াক পৰাস্ত কৰি কংগ্ৰেছ নেত্ৰী বিস্মিতা গগৈক আগন্তুক নিৰ্বাচনত জয়ী কৰোৱাৰ সংকল্প গ্ৰহণ কৰিছে কংগ্ৰেছ কৰ্মীসকলে।
আজিৰ সভাত কংগ্ৰেছ কৰ্মীৰ উদ্দেশ্যে প্ৰশিক্ষণ প্ৰদান কৰে চত্তীশগড় কংগ্ৰেছ নেতা গোলাম কাম্বো আৰু অলক চন্দ্ৰ কাৰে। কংগ্ৰেছ নেতা সুশান্ত বৰগোঁহাই, মীৰা বৰঠাকুৰৰ লগতে পৱন সিং ঘাটোৱাৰ, ভুপেন বৰা, বিজয় চমৰীয়া আদি আজি সভাত উপস্থিত থাকে।
