২০০২ চনত গুজৰাট নৰসংহাৰ সংঘটিত হোৱাৰ সময়ত ব্ৰিটেইনৰ বৈদেশিক সচিব হৈ থকা জেক ষ্ট্ৰ’ই নিশ্চিত কৰিছে যে ভাৰতৰ ব্ৰিটিছ উচ্চায়ুক্তই লণ্ডনৰ বৈদেশিক কাৰ্যালয়লৈ এক প্ৰতিবেদন প্ৰেৰণ কৰিছিল য’ত কোৱা হৈছিল যে গুজৰাটত সংঘটিত হত্যাকাণ্ডৰ বাবে “নৰেন্দ্ৰ মোডী পোনপটীয়াকৈ দায়ী”।
তেওঁ কৈছিল, “ঘটনাৰ সময়ত সজাগ থকা লোকসকলৰ এনে অনুভৱ আছিল।” দ্য ৱায়াৰৰ এক সাক্ষাৎকাৰত এই কথা প্ৰকাশ পাইছে।
ষ্ট্ৰাই লগতে কৈছে যে “ব্ৰিটিছ উচ্চায়ুক্তৰ প্ৰতিবেদনত কোৱাৰ দৰে সেই সময়ত (২০০২) অভিযোগ আৰু বিশ্বাস আছিল, “নৰেন্দ্ৰ মোডীয়ে ২৭ ফেব্ৰুৱাৰীত জ্যেষ্ঠ আৰক্ষী বিষয়াসকলক লগ কৰিছিল আৰু তেওঁলোকক সংঘৰ্ষত হস্তক্ষেপ নকৰিবলৈ নিৰ্দেশ দিছিল”।
লগতে পঢ়ক: স্বয়ং আমেৰিকাৰ ৰাষ্ট্ৰপতি বিডেনৰ ঘৰতে FBIৰ অভিযান; মাৰাথন তালাচীত উদ্ধাৰ বহু গোপন নথি!
ষ্ট্ৰ’ই লগতে নিশ্চিত কৰিছে যে তেওঁ লাভ কৰা প্ৰতিবেদনত কোৱা হৈছিল যে গুজৰাটত সংঘটিত হত্যাকাণ্ডত “জাতিগত নিষ্কাশনৰ সকলো বিশেষত্ব আছে”। তেওঁ কয় যে তেওঁ “সঁচাকৈয়ে সেইবিষয়ে বহুত চিন্তিত” আছিল।
দ্য ৱায়াৰক দিয়া এক সাক্ষাৎকাৰত ষ্ট্ৰ’ই উচ্চায়ুক্তৰ প্ৰতিবেদন পোৱাৰ পিছত কয়, “মই বাজপেয়ী চৰকাৰ আৰু বৈদেশিক মন্ত্ৰীৰ (যশৱন্ত সিং) সৈতে কথা পাতিছিলো… মই নিশ্চিত যে মই সেয়া কৰিছিলো।”
অৱশ্যে, ২১ বছৰৰ পিছত তেওঁ তেওঁলোকৰ সঁহাৰি মনত পেলাব নোৱাৰিলে। ষ্ট্ৰ’ই লগতে কয় যে ২০০১ চনৰ ডিচেম্বৰত ভাৰতীয় সংসদৰ ওপৰত হোৱা আক্ৰমণৰ বাবে তেওঁ সিঙৰ সৈতে সঘনাই সম্পৰ্কত আছিল, যাক তেওঁ তেতিয়া সাক্ষাৎকাৰত গৰিহণা দিছিল।
লগতে পঢ়ক: চীনক ৰঙা চকু দেখুৱাই ভাৰতৰ ‘প্ৰলয়’! এইবাৰ উত্তৰ-পূবৰ চীন সীমান্তত বায়ু সেনাৰ অনুশীলনৰ প্ৰস্তুতি
ভাৰতক ভালদৰে জনা আৰু এই দেশত তেওঁৰ মধুচন্দ্রিমা আৰু তেওঁৰ ৪০ তম বিবাহ বাৰ্ষিকী দুয়োটা অতিবাহিত কৰা ষ্ট্ৰ’ই কৈছে যে তেওঁ ভাৰতৰ সাম্প্ৰদায়িক সমস্যাৰ ইতিহাসৰ বিষয়ে অৱগত আৰু সেয়েহে গুজৰাটত ২০০২ চনৰ সমস্যাৰ বাবে তেওঁ “হতাশ যদিও বিশেষভাৱে আচৰিত হোৱা নাছিল”।
