Mulayam Singh Yadav admitted to ICU পুনৰ অসুস্থ হৈ পৰিছে উত্তৰ প্ৰদেশৰ প্ৰাক্তন মুখ্যমন্ত্ৰী মুলায়ম সিং যাদৱ। তেওঁক গুৰুগ্ৰামৰ এখন ব্যক্তিগত চিকিৎসালয়ত ভৰ্তি কৰোৱা হৈছে। তেওঁৰ স্বাস্থ্যৰ অৱস্থাৰ যথেষ্ট অৱনতি ঘটিছে।
তেওঁৰ শাৰিৰীক অৱস্থা ইমানেই জটিল হৈ পৰিছে যে চিকিৎসকসকলে চিকিৎসালয়ত নিয়াৰ পিছতে তেওঁক আইচিইউত ৰখাৰ সিদ্ধান্ত লয়।
লগতে পঢ়ক: গুৱাহাটীত ৰোমাঞ্চকৰ ক্ৰিকেট! দ্বিতীয় টী-২০ত দক্ষিণ আফ্ৰিকাক পৰাস্ত কৰি শৃংখলা জয় ভাৰতৰ
জানিব পৰা মতে মুলায়ম সিং যাদৱ যোৱা কেইবছৰমান ধৰি বাৰ্দ্ধক্যজনিত ৰোগত ভুগি আছে। তেওঁৰ শৰীৰ একেবাৰে ভাল নহয়। যোৱা বছৰৰ মাজভাগত মুলায়মৰ স্বাস্থ্যৰ অৱস্থাৰ হঠাতে অৱনতি ঘটিছিল। তেওঁৰ পৰিয়ালৰ সদস্যসকলে তেওঁক গুৰুগ্ৰামৰ এখন ব্যক্তিগত চিকিৎসালয়লৈ লৈ গৈছিল।
সেইবাৰ তেওঁৰ প্ৰস্ৰাৱৰ সমস্যা ধৰা পৰিছিল। কেইবাদিনো চিকিৎলায়ত ভৰ্তি হৈ থকাৰ পিছত সমাজবাদী পাৰ্টিৰ প্ৰতিষ্ঠাপকজনক চিকিৎসালয়ৰ পৰা অব্যাহতি দিয়া হৈছিল।
মুলায়ম সিং যাদৱ ভাৰতীয় ৰাজনীতিৰ এগৰাকী প্ৰভাৱশালী ব্যক্তি। তেওঁ উত্তৰ প্ৰদেশৰ সমাজবাদী পাৰ্টিৰ প্ৰতিষ্ঠাপক। ৮০ বছৰীয়া প্ৰবীণ ৰাজনীতিবিদগৰাকী তেওঁৰ অনুগামীসকলৰ মাজত ‘নেতাজী’ হিচাপে পৰিচিত।
লগতে পঢ়ক: কলংকৰ দাগ! বৰ্ষাপাৰা ষ্টেডিয়ামত সাপ, নুমাল ফ্লাডলাইট; ২৩ মিনিট বন্ধ ৰাখিবলগীয়া হ’ল খেল
মুলায়ম সিং যাদৱ কেৱল উত্তৰ প্ৰদেশৰ তিনিবাৰৰ মুখ্যমন্ত্ৰীয়ে নহয়, ১৯৯৬ চনৰ পৰা ১৯৯৮ চনলৈ তেওঁ দেশৰ প্ৰতিৰক্ষা মন্ত্ৰীও আছিল। তেওঁৰ পুত্ৰ অখিলেশ সিং যাদৱে বৰ্তমান দলৰ দায়িত্ব লৈছে। পিতৃৰ দৰে তেওঁৱো উত্তৰ প্ৰদেশৰ মুখ্যমন্ত্ৰীৰ আসনত বহিছিল।