প্ৰত্যেক বৰ্ষৰ দৰে এই বৰ্ষতো গোলাঘাট চহৰৰ সমন্বয় ক্ষেত্ৰত আৰম্ভ হৈছে গোলাঘাট সাহিত্য উৎসৱ আৰু গ্ৰন্থমেলা ।
গোলাঘাটৰ অন্যতম স্বেচ্ছাসেৱী সংস্থা ভক্স পপুলীৰ উদ্যোগত আৰু গোলাঘাট জিলা প্ৰশাসন , বিভিন্ন সংগঠনৰ সহযোগত অনুষ্ঠিত হোৱা এই সাহিত্য উৎসৱ আৰু গ্ৰন্থমেলা দ্বাৰ মুকলি কৰে বিশিষ্ট সাহিত্যিক অৰূপা পতঙ্গীয়া কলিতাই ।
দ্বাৰ মুকলি অনুষ্ঠানৰ পিছতে অনুষ্ঠিত হয় মুকলি সভা ।
মুকলি সভাত অংশগ্ৰহণ কৰে মন্ত্ৰী অতুল বৰা , সাংবাদিক নিতুমনি শইকীয়াই , আৰু নুমলীগড় শোধনাগাৰ বিষয়া কাজল শইকীয়াই ।
৬ ফেব্ৰুৱাৰীৰ পৰা ১৪ ফেব্ৰুৱাৰী লৈকে অনুষ্ঠিত হবলগীয়া এই সাহিত্য উৎসৱ আৰু গ্ৰন্থ মেলাত বিভিন্ন ধৰণৰ কাৰ্যসূচী তথা প্ৰতিযোগিতা অনুষ্ঠিত হ’ব ।