গোলাঘাট আৰক্ষী বিষয়াই শুকুৰবাৰে জানিবলৈ দিয়ে যে তেওঁলোকে এটা নাহৰফুটুকী বাঘ হত্যা কৰা আৰু ইয়াৰ মাংস ‘ভক্ষণ’কৰা চাৰিজনক গ্ৰেপ্তাৰ কৰিছে।
আৰক্ষীয়ে জনায় যে সৰু নাহৰফুটুকীটো যোৱা ১৭ এপ্ৰিলত হত্যা কৰা হৈছিল আৰু ১৮ এপ্ৰিলত ইয়াৰ অৱশিষ্ট মৃতদেহৰ অংশ উদ্ধাৰ কৰা হৈছিল।
যিসকলে বাঘটো হত্যা কৰিছিল তেওঁলোকে ঘটনাটোৰ এটা ভিডিঅ’ বনাইছিল আৰু আৰু আৰক্ষীয়ে ভিডিঅ’টো ছচিয়েল মিডিয়াত প্ৰত্যক্ষ কৰাৰ পাছত অপৰাধীকেইজনক কৰায়ত্ত কৰিবলৈ এক অভিযান চলাইছিল।
আৰক্ষীয়ে জনায় যে নাহৰফুটুকীটোৰ পাছৰ ঠেং দুখন কাটি পেলোৱা হৈছিল আৰু ইয়াৰ ছাল, নেজ, দাঁত আৰু নখবোৰ নাছিল।
‘’বাঘটোৰ অৱশিষ্ট অংশ আহোমগাঁও গাঁৱৰ এখন বননিত পুতি থোৱা অৱস্থাত উদ্ধাৰ কৰা হৈছিল।‘’
ভিডিঅ’টোৰ পৰা আৰক্ষীয়ে অপৰাধীকেইজনক চিনাক্ত কৰিবলৈ সক্ষম হয় আৰু বৃহস্পতিবাৰে তেওঁলোকক গ্ৰেপ্তাৰ কৰিবলৈ সক্ষম হয়। অপৰাধীকেইজনক জুনমন গগৈ, ৰক্তিম গগৈ, থগীৰাম গগৈ আৰু নিত্যানন্দ শইকীয়া বুলি চিনাক্ত কৰা হৈছে।
ইপিনে, এগৰাকী অভিযুক্তই কয় যে একাংশ গাঁৱবাসীয়ে নাহফুটুকীটোৰ মাংস ভক্ষণ কৰিছিল। অৱশ্যে, দাবী কৰা মতে ইয়াৰ কোনো তথ্যগত প্ৰমান নাই।
বন্যপ্ৰাণী সুৰক্ষা আইনৰ অনুসূচী ১ৰ অধীনত নাহৰফুটুকী এবিধ সংৰক্ষিত প্ৰজাতি আৰু আৰ৭ঈয়ে এই আইনৰ ৯ ধাৰাৰ অধীনত অভিযুক্তকেইগৰাকীৰ বিৰুদ্ধে এটা গোচৰ ৰুজু কৰিছে।
ৰাজ্যখনত লকডাউনৰ সময়তে এইদৰে বন্যপ্ৰাণী হত্যা কৰাৰ এইটোৱে প্ৰথম ঘটনা নহয়।
বাতৰি অনুসৰি, এই সময়ছোৱাত ৰাজ্যখনত আৰু তিনিটা বাঘ, এটা বনৰীয়া মেকুৰী আৰু এটা হাতী হত্যা কৰা হৈছে।
অলপতে, অৰুণাচল প্ৰদেশৰ কেইজনমান লোকে এটা বিশাল কিং কোব্ৰা মৰাৰ লগতে অভিযোগ অনুসৰি ইয়াক ভক্ষণ কৰিছিল।