কেন্দ্ৰীয় কেবিনেটে ম্যানমাৰৰ Shwe অইল আৰু গেছ প্ৰকল্পৰ অধিক বিকাশৰ বাবে অ’ এন জি চি বিদেশ (OVL)ৰ অতিৰিক্ত বিনিয়োগত অনুমোদন জনাইছে।
প্ৰধান মন্ত্ৰী নৰেন্দ্ৰ মোদীৰ অধ্যক্ষতাত অনুষ্ঠিত এক কেবিনেট বৈঠকত এই সিদ্ধান্ত গ্ৰহণ কৰা হয়।
অৰ্থনৈতিক পৰিক্ৰমাৰ কেবিনেট সমিতিয়ে ম্যানমাৰৰ প্ৰকল্পটোত অধিক বিকাশৰ বাবে অ’ এন জি চি বিদেশৰ জৰিয়তে অতিৰিক্ত ১২১.২৭ নিযুত মিলিয়ন ডলাৰ (প্ৰায় ৯০৯ কোটি টকা) বিনিয়োগত অনুমোদন জনাইছে।
চুবুৰীয়া দেশত তেল আৰু গেছৰ অন্বেষণ আৰু বিকাশৰ প্ৰকল্পত ভাৰতৰ ৰাজহুৱা খণ্ডৰ প্ৰতিষ্ঠানৰ অংশগ্ৰহণ ভাৰতৰ এক্ত ইষ্ট নীতিৰ সৈতে সংলগ্ন হৈ আছে।
ই লগতে চুবুৰীয়াৰ সৈতে শক্তি সেতু (Energy Bridges)ৰ বিকাশৰ লগতে ভাৰতৰ শক্তি সুৰক্ষা প্ৰয়োজনীয়তা সবলীকৰণৰ বাবে ভাৰতৰ ৰণনীতিৰ অংশ।
ম্যানমাৰত উক্ত প্ৰকল্পটোৰ অন্বেষণ আৰু বিকাশত দক্ষিণ কোৰিয়া, ভাৰত আৰু ম্যানমাৰৰ কোম্পানিৰ সংঘৰ অংশৰূপে অ’ এন জি চি বিদেশ ২০০২ চনৰ পৰা জৰিত হৈ আছে।
ভাৰতীয় আন এটা ৰাজহুৱা খণ্ডৰ প্ৰতিষ্ঠান গেইলো প্ৰকল্পটোৰ সহ-বিনিয়োগকাৰী।
২০১৯ চনৰ ৩১ মাৰ্চলৈকে অ’ ভি এলে ৭২২ মিলিয়ন ইউ এছ ডলাৰ বিনিয়োগ কৰিছে।
২০১৩ চনৰ জুলাইত প্ৰকল্পটোৰ পৰা প্ৰথম গেছ পোৱা হৈছিল।
