আজি আনুষ্ঠানিক ভাৱে মুকলি কৰা হয় কলিয়াবৰ প্ৰেছ ক্লাৱৰ কাৰ্য্যালয়।
নৱ নিৰ্মিত কাৰ্য্যালয় মুকলি অনুষ্ঠানত উপস্থিত থাকে জলসম্পদ মন্ত্ৰী তথা কলিয়াবৰৰ বিধায়ক কেশৱ মহন্ত ।
মন্ত্ৰী কেশৱ মহন্তই ফিটা কাটি কলিয়াবৰ প্ৰেছ ক্লাৱৰ জখলাবন্ধাস্থিত কাৰ্য্যালয়তো মুকলি কৰাৰ লগে লগে কলিবাবৰৰ এটা দীৰ্ঘদিনীয়া সপোন পূৰণ হ’ল বুলি বহুতে মন্তব্য কৰিছে।
কলিয়াবৰ প্ৰেছ ক্লাৱৰ উপদেষ্টা নৃপেন কেওত,নৱ নিযুক্ত সভাপতি তপন শইকীয়া আৰু সম্পাদক জয়ন্ত শৰ্মাৰ একান্ত প্ৰচেষ্টাত অনুষ্ঠিত এই কাৰ্য্যালয় মুকলি অনুষ্ঠানত মন্ত্ৰী কেশৱ মহন্ত , কলিয়াবৰ মহকুমাৰ মহকুমাধিপতি বিতোপন নেওগ কলিয়াবৰ মহকুমাৰ মহকুমা আৰক্ষী বিষয়া মৃন্ময় দাসকে আদি কৰি উপস্থিত থাকে কলিয়াবৰৰ প্ৰেছ ক্লাবৰ সদস্য তথা শুভাকাংক্ষী সকল।
