ডিব্ৰুগড়ৰ প’ল’ গ্ৰাউণ্ডত চলি থকা ১৬ সংখ্যক কেপ্টেইন জিন্তু গগৈ সোঁৱৰণি ফুটবল টুৰ্ণামেণ্টৰ আজি অনুষ্ঠিত ফাইনেলত কমাৰগাঁও মহাবিদ্যালয়ে ডাও ডিভিজনক টাই-ব্ৰেকাৰত ৩-১ গ’লত পৰাস্ত কৰে। ইয়াৰ পূৰ্বে ১-১ গ’লত খেলখন সামৰণি পৰিছিল।
টুৰ্ণামেণ্টথনত উজনি অসমৰ প্ৰায় ২৪টা দলে অংশগ্ৰহণ কৰিছিল।
উল্লেখযোগ্য যে ২০০৪ চনৰ পৰা সেনা বাহিনীয়ে কাৰ্গিল যুদ্ধৰ চহিদ কেপ্টেইন জিন্তু গগৈৰ সোঁৰণিত উক্ত ফুটবল প্ৰতিযোগিতা অনুষ্ঠিত কৰি আহিছে।
লাইপুলি ব্ৰিগেডৰ কমাণ্ডাৰ ব্ৰিগেডিয়াৰ ৰোহিত চেহগাল মুখ্য অতিথি হিচাপে উপস্থিত থকা সামৰণি অনুষ্ঠানত বিহু নৃত্য, সেনা বাহিনীৰ পাইপ বেণ্ড, সেনা বাহিনীৰ ডগ শ্ব’ আদি প্ৰদৰ্শন কৰা হয়।
অনুষ্ঠানত জিন্তু গগৈৰ পিতৃ-মাতৃৰ লগতে ডিব্ৰুগড়ৰ উপায়ুক্ত পল্লৱ গোপাল ঝা, মুখ্য মন্ত্ৰীৰ ভাতৃ নৰেশ্বৰ সোণোৱাল, অতিৰিক্ত উপায়ুক্ত পদ্মনাথ বৰুৱা আদি উপস্থিত থাকে।
