উত্তৰ কোৰিয়াৰ একনাকত্ববাদী নেতা কিম জং উনে কয় যে তেওঁৰ দেশে প্ৰথমটো সামৰিক চোৰাংচোৱা উপগ্ৰহ নিৰ্মাণ কৰিছে আৰু বিষয়াসকলক অতি সোনকালে উপগ্ৰহটো উৎক্ষেপণ কৰিবলৈ নিৰ্দেশ দিছে। বুধবাৰে এই কথা প্ৰকাশ কৰিছে দেশখনৰ ৰাষ্ট্ৰীয় সংবাদ মাধ্যমে।
পিয়ংইয়াঙে নতুন কঠিন ইন্ধনযুক্ত আন্তঃমহাদেশীয় বেলিষ্টিক ক্ষেপণাস্ত্ৰ নিক্ষেপ কৰাৰ কথা ঘোষণা কৰাৰ এসপ্তাহৰ পাছতে এই চোৰাংচোৱা উপগ্ৰহ নিৰ্মাণ সম্পূৰ্ণ হোৱাৰ খবৰ আহিছে। আৰু এইটো তেওঁলোকৰ নিষিদ্ধ অস্ত্ৰ কাৰ্যসূচীত এক ডাঙৰ অগ্ৰগতি।
লগতে পঢ়ক: Solar Eclipse 2023: বৃহস্পতিবাৰে বিৰল ‘হাইব্ৰিড’ সূৰ্যগ্ৰহণৰ সাক্ষী হ’ব বিশ্ব; ক’ত ক’ত দেখা যাব?
বিশ্লেষকসকলে কয় যে আইচিবিএম আৰু মহাকাশ উৎক্ষেপণৰ ক্ষমতা বিকাশৰ ক্ষেত্ৰত এইটো এক উল্লেখযোগ্য প্ৰযুক্তিগত অগ্ৰগতি। উত্তৰ কোৰিয়াৰ চৰকাৰী সংবাদ সংস্থা কেচিএনএই প্ৰকাশ কৰা অনুসৰি, “কিমে মঙলবাৰে নিৰ্দেশ দিছিল যে এই এপ্ৰিল মাহত নিৰ্মিত ১ নং সামৰিক চোৰাংচোৱা উপগ্ৰহটো যাতে নিৰ্দিষ্ট তাৰিখত উৎক্ষেপণ কৰা হয়।”
মঙলবাৰে উত্তৰ কোৰিয়াৰ ৰাষ্ট্ৰীয় মহাকাশ উন্নয়ন প্ৰশাসন ভ্ৰমণৰ সময়ত তেওঁ কৰ্মচাৰীসকলক সময়ে সময়ে কেইবাটাও চোৰাংচোৱা উপগ্ৰহ বিভিন্ন কক্ষপথত নিক্ষেপ কৰি উপগ্ৰহৰ চোৰাংচোৱা সংগ্ৰহৰ ক্ষমতা দৃঢ়ভাৱে প্ৰতিষ্ঠা কৰিবলৈ আহ্বান জনায়।
লগতে পঢ়ক: ভাল নে বেয়া খবৰ! চীনক অতিক্ৰম কৰি বিশ্বৰ সৰ্বাধিক জনবহুল দেশ হিচাপে পৰিগণিত ভাৰত
ৰাষ্ট্ৰীয় সংবাদ মাধ্যমৰ ফটোত দেখা গৈছে যে কিমে কন্যাৰ সৈতে মহাকাশ সংস্থাটোলৈ গৈ আছে। ২০২১ চনত কিমে পৰিচালনা কৰা মূল প্ৰতিৰক্ষা প্ৰকল্পসমূহৰ ভিতৰত অন্যতম আছিল সামৰিক চোৰাংচোৱা উপগ্ৰহ নিৰ্মাণ।
