যোৱা কেইদিনমানধৰি অসমৰ গোলাঘাট জিলাৰ বেতিয়নি কাকতি গাঁৱত সন্ত্ৰাসৰ সৃষ্টি কৰা পূৰ্ণবয়স্ক নাহৰফুটুকী বাঘটোক বন বিভাগৰ বিষয়াসকলে ধৰা পেলাই পিঞ্জৰাবদ্ধ কৰিছে।
দেওবাৰে ৰাতিপুৱা গাওঁবাসীৰ সহায়ত বন বিভাগে নাহৰফুটুকী বাঘটোক পিঞ্জৰাবদ্ধ কৰে।
নাহৰফুটুকী বাঘটোৱে যোৱা কেইবাদিনো ধৰি গাওঁখনৰ পশুধনৰ ওপৰত আক্ৰমণ চলাই অঞ্চলটোৰ বহুতো গৰু হত্যা কৰিছিল।
লগতে পঢ়ক: কনমানি কন্যা শিশুক বলাৎকাৰ: ৰাইজে মুখত চূণ সানি, চেণ্ডেলৰ মালা পিন্ধাই ঘূৰালে অভিযুক্ত লম্পটক
“এতিয়ালৈকে এই অঞ্চলৰ পৰা মুঠতে ১৪ টা নাহৰফুটুকী বাঘ ধৰা পৰিছে। আজি এটা নাহৰফুটুকী বাঘ পিঞ্জৰাবদ্ধ কৰা হৈছে,” বন বিভাগৰ এজন বিষয়াই জনায়।
“বেতিয়নি কাকতি গাঁৱৰ জংঘল এলেকাত আৰু নাহৰফুটুকী বাঘ আছে বুলি আমি অনুমান কৰিছো” বিষয়াজনে লগতে কয়।
লগতে পঢ়ক: ’খেল এতিয়াও শেষ হোৱা নাই’-পাকিস্তান সন্দৰ্ভত ৱাছিম আক্ৰমৰ ইংগিতেই সত্য হ’ল!
পিঞ্জৰাবদ্ধ কৰা নাহৰফুটুকী বাঘটোক পানবাৰীৰ বন্যপ্ৰাণী পুনৰ্সংস্থাপন আৰু সংৰক্ষণ কেন্দ্ৰলৈ (চিডব্লিউআৰচি) স্থানান্তৰ কৰা হৈছে।