ভাৰতৰ শীৰ্ষ ব্যৱসায়িক স্থানসমূহৰ ভিতৰত অন্যতম গুজৰাট। স্বাধীনতাৰ পিছত দেশৰ সকলো আগশাৰীৰ উদ্যোগপতি এই ৰাজ্যৰ পৰাই ওলাই আহিছে। সেই ৰাজ্যৰ সমৃদ্ধি কেৱল চহৰতে সীমাবদ্ধ নহয়,গাঁওলৈও বিয়পি পৰিছে। কচ্ছত আছে মাধাপাৰ গাঁও। এই গাঁওখন এছিয়াৰ আটাইতকৈ চহকী গাঁও হিচাপে পৰিচিত।
ভূজৰ বাহিৰৰ মাধাপাৰ গাঁৱৰ বাসিন্দাসকলৰ ৭ হাজাৰ কোটি টকাৰ ফিক্সড ডিপ’জিট আছে। এই পৰিসংখ্যাৰ পৰাই মাধাপাৰৰ বাসিন্দাসকল কিমান ধনী তাৰ ধাৰণা পোৱা যায়। এই গাঁৱত বেছিভাগেই পেটেল সম্প্ৰদায়ৰ লোকে বসবাস কৰে। গাঁওখনৰ জনসংখ্যা প্ৰায় ৩২ হাজাৰ, যিটো ২০১১ চনত আছিল ১৭ হাজাৰ।
মাধাপাৰ গাঁৱত আছে ১৭টা বেংক। এইচ ডি এফ চি, পি এন বি, এক্সিছ, আই চি আই চি আই আৰু ইউনিয়ন বেংকৰ দৰে সকলো চৰকাৰী আৰু ব্যক্তিগত প্ৰথম স্তৰৰ বেংকৰ শাখা কচ্ছৰ এই গাঁৱত আছে। যিটো একেবাৰে অস্বাভাৱিক। তথাপিও ইয়াত অধিক বেংকে নিজৰ শাখা খুলিবলৈ আগ্ৰহী।
লগতে পঢ়কঃ ‘নাৰীৰ সংজ্ঞা কি?’ এগৰাকী ৰূপান্তৰকামী মহিলাৰ গোচৰত তাৎপৰ্যপূৰ্ণ ব্যাখ্যা অষ্ট্ৰেলিয়াৰ আদালতৰ
গুজৰাটৰ মাধাপাৰ গাঁৱৰ সমৃদ্ধিৰ আঁৰৰ প্ৰকৃত কাৰণ হ’ল ইয়াৰ প্ৰবাসী ভাৰতীয় পৰিয়াল। গাঁৱৰ প্ৰবাসীয়ে প্ৰতি বছৰে কোটি কোটি টকা স্থানীয় বেংক আৰু ডাকঘৰত জমা কৰে। সেই গাঁৱত প্ৰায় ২০ হাজাৰ ঘৰ আছে। ইয়াৰে ১২০০ পৰিয়াল বিদেশত থাকে। বেছিভাগেই আফ্ৰিকান দেশত।
মধ্য আফ্ৰিকাৰ নিৰ্মাণ ব্যৱসায়ত গুজৰাটীৰ প্ৰভাৱ বেছি। তাত থকা জনসংখ্যাৰ এক বৃহৎ অংশ মাধাপাৰ গাঁৱৰ লোক। বহুতে ব্ৰিটেইন, অষ্ট্ৰেলিয়া, আমেৰিকা আৰু নিউজিলেণ্ডতো বাস কৰে।
অৱশ্যে তেওঁলোকে নিজৰ শিপা পাহৰি যোৱা নাই। গাঁৱৰ লগত সংযুক্ত। পৃথিৱীৰ যি ঠাইতে মাধাপাৰৰ মানুহ নাথাকক কিয়, দেশৰ গাঁৱৰ বেংকত নিজৰ ধন ৰখাটোহে বেছি পছন্দ কৰে। এই কথা কয় জিলা পঞ্চায়তৰ প্ৰাক্তন সভাপতি পাৰুলবেন কাৰাই।
লগতে পঢ়কঃ ক্ৰিকেটৰ পৰা বিদায় ল’লে শিখৰ ধাৱানে; কোনো ক্ৰিকেটেই আৰু নেখেলে ভাৰতীয় অ’পেনাৰগৰাকীয়ে
মাধাপাৰৰ ৰাষ্ট্ৰয়ত্ত্ব বেংকৰ এটা শাখাৰ এগৰাকী শীৰ্ষ বিষয়াৰ মতে, প্ৰবাসী গাঁৱৰ লোকৰ বিশাল জমা ধনে গাঁওখন চহকী কৰি তুলিছে। এই গাঁৱত পানী, শৌচাগাৰ, পথ আদি সকলো মৌলিক সা-সুবিধা আছে। বাংলো, চৰকাৰী-বেচৰকাৰী বিদ্যালয়, হ্ৰদ, মন্দিৰ আদিও দেখা যায়।
