আমেৰিকাৰ ৰাষ্ট্ৰপতি নিৰ্বাচনৰ সমান্তৰলৈকে অনুষ্ঠিত হৈছে মাৰ্কিন কংগ্ৰেছৰ নিৰ্বাচন। এই নিৰ্বাচনতে নিউয়ৰ্ক ষ্টেট এছেমব্লি আসনৰ পৰা বিজয়ী হৈছে ভাৰতীয় বংশোদ্ভৱ চলচ্চিত্ৰ নিৰ্মাতা মীৰা নায়াৰৰ পুত্ৰ জোহৰাণ মামদানি।
২৯বছৰীয়া জোহৰাণ মীৰা নায়াৰ আৰু উগাণ্ডাৰ বংশোদ্ভৱ আমেৰিকান লেখক মাহমুদ মামদানিৰ পুত্ৰ।
নিউয়ৰ্কৰ ৩৬তম এছেমব্লি ডিষ্ট্ৰিক্টৰ পৰা মাৰ্কিন কংগ্ৰেছৰ নিম্ন সদন হাউছ অফ ৰিপ্ৰেজেন্টেটিভলৈ তেওঁ বিজয়ী হৈ নিৰ্বাচিত হৈছে।
আমেৰিকাৰ নিৰ্বাচনত যিসকল ভাৰতীয় বংশোদ্ভৱ ৰাজনীতিকে এইবাৰ দৃষ্টি আকৰ্ষণ কৰিবলৈ সক্ষম হৈছে তাৰ ভিতৰত অন্যতম হৈছে জোহৰাণ।
জোহৰাণ জো বিডেনৰ ডেম’ক্ৰেটিক দলৰ সমৰ্থক। সেইদৰে, ভাৰতীয় বংশোদ্ভৱ ডেম’ক্ৰেটিক কংগ্ৰেছ প্ৰাৰ্থী ৰাজা কৃষ্ণমূৰ্তি এইবাৰ তৃতীয়বাৰৰ বাবে হাউছ অফ ৰিপ্ৰেজেন্টেটিভলৈ নিৰ্বাচিত হৈছে।
It's official: we won.
I'm going to Albany to fight to tax the rich, heal the sick, house the poor & build a socialist New York.
But I can't do it alone. To win socialism, we'll need a mass movement of the multiracial working class as well.
So let's build one. Join @nycDSA. pic.twitter.com/kzgplFgIJL
— Zohran Kwame Mamdani (@ZohranKMamdani) November 4, 2020
আনহাতে, তৃতীয়বাৰৰ বাবে ৱাশ্বিংটনৰ পৰা হাউছ অফ ৰিপ্ৰেজেন্টেটিভলৈ নিৰ্বাচিত হৈছে প্ৰমীলা জয়পাল।
জোহৰাণ মামদানি হিপ হপ গানৰ বাবে মিষ্টাৰ কাৰ্ডামম হিচাপে জনপ্ৰিয়। ২০১৯চনত মুকলি হৈছিল তেওঁৰ ‘ছিংগল নানি’।
টুইটাৰ নিজৰ বিজয়ৰ কথা জোহৰাণে এনেদৰে লিখিছে: ‘’অতিৰিক্ত কৰৰ বিৰুদ্ধে যুঁজ দিবলৈ, অসহায় মানুহৰ কাষত থিয় হ’বলৈ, দৰিদ্ৰসকলৰ আশ্ৰয়ৰ বাবে তেওঁ আলবামালৈ যাব।‘’
বাতৰি অনুসৰি, আমেৰিকাত থকা প্ৰবাসী তথা শৰণাৰ্থীসকলৰ বাবে জোহৰাণে দীৰ্ঘদিন ধৰি সংগ্ৰাম চলাই আহিছে।