কৰ’নাৰ সংক্ৰমণৰ আশংকাত বিভিন্ন গুৰুত্বপূৰ্ণ অনুষ্ঠানো বাতিল কৰিবলগীয়া হৈছে। আনকি বিয়াৰ ক্ষেত্ৰতো নিমন্ত্ৰিতৰ তালিকা কৰ্তন কৰিবলগীয়া হৈছে অনিচ্ছাকৃতভাৱে। অতিমাৰীৰ এনে প্ৰকোপৰ বাবে স্বয়ং প্ৰধানমন্ত্ৰীয়ে নিজৰ বিয়া স্থগিত ৰাখিলে।
নিউজিলেণ্ডৰ প্ৰধানমন্ত্ৰী জেছিণ্ডা আৰ্ডেনৰ তেওঁৰ দীৰ্ঘদিনীয়া সংগী ক্লাৰ্ক গেফ’ৰ্ডৰ সৈতে বিয়া ঠিক হৈ আছিল যদিও বিয়াৰ দিন বাৰ হোৱা নাছিল। অৱশ্যে ঘনিষ্ঠ সূত্ৰই জানিবলৈ দিয়া মতে অহা কিছুদিনৰ ভিতৰতে বিবাহ বন্ধনত আৱদ্ধ হোৱাৰ কথা আছিল।
কিন্তু নিউজিলেণ্ডত হঠাতে অ’মিক্ৰণৰ সংক্ৰমণ বৃদ্ধি পোৱাৰ পৰিপ্ৰেক্ষিতত দেওবাৰে বিয়া পিছুৱাই দিয়াৰ ঘোষণা কৰিলে প্ৰধানমন্ত্ৰী ডেছিণ্ডা আৰ্ডেনে।
লগতে পঢ়ক: প্ৰাক্তন ছাত্ৰ নেতাক আৰক্ষীৰ গুলী: নগাঁওৰ আৰক্ষী অধীক্ষক আনন্দ মিশ্ৰৰ নিলম্বন দাবী অখিল গগৈৰ
দেশখনত অ’মিক্ৰণৰ সংক্ৰমণ ৰোধ কৰিবলৈ নতুন কোভিড বিধি জাৰি কৰা হৈছে। সেই অনুসৰি, বিয়াৰ অনুষ্ঠানত সৰ্বাধিক ১০০ লোক উপস্থিত থাকিব পাৰিব। তদুপৰি, সম্পূৰ্ণ ভেকচিন লোৱা হ’ব লাগিব। এই নিয়ম কাৰ্যকৰী কৰাৰ পাছতেই প্ৰধানমন্ত্ৰীয়ে নিজৰ বিয়া স্থগিত কৰে।
জেছিকা আৰ্ডেনে কয়,’’আমাৰ বিয়া এতিয়াই নহয়। দেশৰ বহুলোকৰ একেধৰণৰ অভিজ্ঞতা হৈছে। আমিও তেওঁলোকৰ সংগী হ’লো। এনে পৰিস্থিতিত যিসকলে বিয়া স্থগিত ৰাখিব লগা হৈছে তেওঁলোকৰ বাবে আমি দু:খিত।‘’
লগতে পঢ়ক:সেয়া মৰম নাছিল যদি, আছিলনো কি? ’পূৰ্বৰ প্ৰেমিক’ ঋষভ পন্টক ট্ৰোল কৰি ভাইৰেল উৰ্বশী!
নিউজিলেণ্ডত হঠাতে অ’মিক্ৰণৰ সংক্ৰমণ বৃদ্ধি পোৱাৰ পৰিপ্ৰেক্ষিতত দেশখনত ‘ৰেড এলাৰ্ট’ জাৰি কৰা হৈছে। দেশৰ এনে পৰিস্থিতিত প্ৰধানমন্ত্ৰীয়ে নিজৰ বিয়াও পিছুৱাই দি দৃষ্টান্ত দাঙি ধৰিছে।
