ভাৰতীয় সেনাৰ গাৰোৱাল ৰেজিমেণ্টে বৃহস্পতিবাৰে তিনিচুকীয়াৰ লিডুত এন এছ চি এন (আই এম)ৰ এজন কেডাৰ কৰায়ত্ত কৰে।
আটকাধীন এন এছ চি এন (আই এম) কেডাৰজন হৈছে স্বয়ম্ভূ চাৰ্জেণ্ট বৈচাং বয়।
জানিব পৰা মতে লিডু আৰক্ষী চকীৰ অন্তৰ্গত টিৰাপ কলিয়ৰিত সেনাৰ তহলদাৰী দলে গোপন সূত্ৰৰ পম খেদি কেডাৰজনক আটক কৰে।
অৰুণাচল প্ৰদেশৰ ডেওমালীৰ কেডাৰজনৰ পৰা এটা পইণ্ট টু টু পিস্তল, চাৰি জাঁই সক্ৰিয় গুলীৰ লগতে নগদ ১৭০০ টকা জব্দ কৰে।
বৃহস্পতিবাৰে সন্ধ্যা সেনাই কেডাৰজনক মাৰ্ঘেৰিটা আৰক্ষীক চমজাই দিয়ে।
দীৰ্ঘদিন ধৰি অঞ্চলটোৰ সীমামূৰীয়া এলেকাত বিভিন্ন অপৰাধমূলক কাৰ্য্যকলাপত কেডাৰজন জড়িত আছিল বুলি সূত্ৰত প্ৰকাশ।
