তেইশ বছৰীয়া শান্তি প্ৰক্ৰিয়াৰ সম্পূৰ্ণ কৰাৰ সময়তে এন এছ চি এন (আই এম)য়ে দিল্লীক কঠওৰ সকীয়নি দি কৈছে,”এন আই এ’ৰ নিৰৱিচ্ছিন্ন অত্যধিক কাৰ্যকলাপে’ তেওঁলোকক যুদ্ধ বিৰতি প্ৰত্যাহাৰ কৰি পুনৰ “হিংসাত্মক সশস্ত্ৰ সংগ্ৰাম’ আৰম্ভ কৰিবলৈ বাধ্য কৰাব পাৰে।
এন এছ চি এন (আই এম)ৰ তথ্য আৰু সম্প্ৰচাৰ মন্ত্্যালয়ে দেওবাৰে সন্ধিয়া এক প্ৰেছ বিজ্ঞপ্তি জাৰি কৰি অভিযোগ কৰে যে বিগত দুটা দশকৰ যুদ্ধ বিৰতিৰ সময়ত সুৰক্ষা বাহিনীয়ে যুদ্ধবিৰতিৰ মূল নীতিৰ ব্যাপক উলংঘন কৰিছে।
১৯৯৭ চনৰ পৰা শান্তি আলোচনাত থকা এন এছ চি এন (আই এম)য়ে নেশ্যনেল ইনভেষ্টিগেশ্যন এজেন্সি (এন আই এ)ৰ সন্দৰ্ভত গুৰুতৰ অভিযোগ আনিছে।
‘’বিশেষকৈ ২০১৯ৰ জুলাইত ভাৰত চৰকাৰৰ মধ্যস্থতাকাৰীয়ে সময় বান্ধি দিয়াৰ পাছৰে পৰা এন আই এয়ে ব্যাপক আৰু জোৰদাৰভাৱে কাৰ্যকলাপ চলাব লৈছে,’’-নাগা বিদ্ৰোহী গোটটোৱে দাবী কৰে।
এন এছ চি এন (আই এম)য়ে দাবী কৰিছে যে “এন আই এৰ কাৰ্যকলাপ ফ্ৰেইমৱৰ্ক এগ্ৰিমেন্টৰ নীতিৰ য’ত নাগা লোকৰ সাৰ্বভৌম অধিকাৰ ইয়াৰ জাতীয় পতাকা আৰু সংবিধান আনুষ্ঠানিকভাৱে ব্যৱহাৰ কৰাৰ কথা কোৱা আছে তাক ইচ্ছাকৃতভাৱে প্ৰত্যাখ্যান কৰিছে।‘‘
“এজেন্সিটোৱে (এন আই এ), অপৰাধীক ৰক্ষণাবেক্ষণ দিবলৈ গৈ ভাৰতৰ আইন আৰু শৃংখলা তথা নিয়মৰ দ্বাৰা এন এছ চি এনৰ সদস্যসকলৰ ওপৰত প্ৰয়োগ কৰিছএ,’’-এন এছ চি এনৰ বিজ্ঞপ্তিটোত কোৱা হয়।
এন এছ চি এন (আই এম)য়ে দাবী কৰিছে যে প্ৰেছ বিজ্ঞপ্তিটো “ৰাজনৈতিক বুজাবুজি ধ্বংস কৰি তথা এই সময়ত অবিশ্বাসৰ সৃষ্টি কৰাৰ পৰিৱৰ্তে ৰাজনৈতিক আলোচনাটো ৰক্ষা কৰাটো জৰুৰী হৈ পৰালৈ লক্ষ্য কৰি’’ জাৰি কৰা হৈছে।
বিদ্ৰোহী গোটটোৱে এন এছ চি এন (আই এম)ৰ প্ৰাক্তন কমাণ্ডাৰ ইন চীফ ফুংটিঙ শিমৰাঙৰ পত্নী এলমলা জমিৰক শেহতীয়াকৈ গ্ৰেপ্তাৰ কৰা প্ৰসংগটো দাঙি ধৰি তীব্ৰ প্ৰতিক্ৰিয়া ব্যক্ত কৰিছে।
এন এছ চি এন (আই এম)য়ে দাবী কৰিছে যে এলমলা জমিৰ এগৰাকী কেবিনেট কিলোনছেৰ (এন এছ চি এনৰ কেবিনেট মন্ত্ৰী) আৰু তেওঁৰ বিৰুদ্ধে অনা “সন্ত্ৰাসবাদক পুঁজি যোগান ধৰা’’ৰ অভিযোগ “সম্পূৰ্ণ অবাঞ্চিত আৰু আশ্চৰ্যজনক’’ বিবেচিত হৈছে।
উল্লেখযোগ্য যে এক ৰহস্যজনক পৰিস্থিতিত ফুংটিঙ শিমৰাঙ আণ্ডাৰগ্ৰাউণ্ড হৈ সমৰ্থন বিচাৰি চীন পোৱাৰ দাবীৰ পাছতে এলেমলা জমিৰৰ গ্ৰেপ্তাৰ দিল্লীৰ ফালৰ পৰা “যেনে কুকুৰ তেনে টাঙোন’’ৰ লেখীয়া আছিল।
কিন্তু এন এছ চি এন (আই এম)য়ে বেআইনী কাৰ্যকলাপ (প্ৰতিৰোধ) আইনৰ অধীনত এলেমলা জমিৰক গ্ৰেপ্তাৰ কৰা কাৰ্যক গুৰুত্ব সহকাৰে লৈছে। এলেমলাক দিল্লীৰ বিমানবন্দৰত বৃহৎ পৰিমানৰ নগদ ধনৰ সৈতে আটক কৰা হৈছিল আৰু পাছত এন আই এই গ্ৰেপ্তাৰ কৰিছিল।
নাগা বিদ্ৰোহী গোটটোৱে দাবী কৰে যে ২০০২ চনৰ ১৮ নৱেম্বৰত ইটালীৰ মিলানত ভাৰত চৰকাৰ আৰু এন এছ চি এনৰ মাজত বুজাবুজিৰ চুক্তি হৈছিল য’ত এন এছ চি এনৰ ওপৰত থকা বেআইনী কাৰ্যকলাপ (প্ৰতিৰোধ) আইন প্ৰত্যাহাৰ কৰাৰ সিদ্ধান্ত লোৱা হৈছিল।
‘’আনাহতে, ভাৰত চৰকাৰৰ চোৰাংচোৱা সংস্থা বিশেষকৈ এন আই এৰ শেহতীয়া কাৰ্যকলাপে নিশ্চিতভাৱে নাগাসকলৰ তথা এন এছ চি এনৰ মনত অবিশ্বাসৰ ভাৱ সৃষ্টি কৰিছে,’’-বিদ্ৰোহী গোটটোৱে দাবী কৰে।
নতুন দিল্লীৰ বিৰুদ্ধে দুমুখীয়া নীতি গ্ৰহণ কৰাৰ অভিযোগ তুলি এন এছ চি এনে কয়,”এক গ্ৰহণযোগ্য তথা সন্মানজনক ৰাজনৈতিক সমাধানৰ দিশত ভাৰত চৰকাৰৰ নিষ্ঠাৰ ওপৰত আমাৰ সন্দেহ হৈছে।‘’
এইটো নিশ্চিত যে নতুন দিল্লীৰ আচৰণত এন এছ চি এন (আই এম) হতাশ হৈছে আৰু কথিত ৰাজনৈতিক আলোচনা কেৱল “পাৰস্পৰিক বিশ্বাস আৰু বুজাবুজিৰ’মাজেৰেহে আগবাঢ়িব পাৰে।
ইয়াৰ মাজতে, এন এছ চি এন (আই এম)য়ে যুদ্ধ বিৰতিৰ অন্ত পেলাৱলৈ সাজু হোৱা দেখা গৈছে।
থৱৰ অনুসৰি, এন এছ চি এন (আই এম)ৰ প্ৰায় ৪০০ কেডাৰ হাংশী ৰেমছন টাংখ্ৰুলৰ নেতৃত্বত ম্যানমাৰৰ ছোমৰা ট্ৰেক্টছৰ শিৱিৰত উপস্থিতি হৈছে।
