মাৰ্ঘেৰিটা বুঢ়ীদিহং নতুন দলঙৰ সমীপত আজি বিয়লি এখন অ’টো আৰু বাজাজ পালছাৰ মটৰচাইকেল দুৰ্ঘটনাত পতিত হোৱাত এজন লোক থিতাতে নিহত হয়।
ঘটনা অনুসৰি মাৰ্ঘেৰিটা ৩১৫নং ৰাষ্ট্ৰীয় ঘাইপথৰে এ আৰ ১২-৯১৩৮ নম্বৰ মটৰচাইকেলখনে মাৰ্ঘেৰিটাৰ পৰা ডিগবৈ অভিমুখে তীব্ৰ বেগেৰে একে দিশত গৈ থকা এ এছ ২৩ জি ১৫৮৫ নম্বৰৰ অ’টো খনক অতিক্ৰমি আগবাঢ়ি যাবলৈ চেষ্টা কৰাৰ সময়তে প্ৰচণ্ডযোৰে খুন্দা মাৰে।
লগতে পঢ়ক: কনমানি কন্যা শিশুক বলাৎকাৰ: ৰাইজে মুখত চূণ সানি, চেণ্ডেলৰ মালা পিন্ধাই ঘূৰালে অভিযুক্ত লম্পটক
এই দুৰ্ঘটনাত অ’টোখনৰ চালক বিক্ৰম ভট্টাচাৰ্য থিতাতে নিহত হোৱাৰ বিপৰীতে মটৰচাইকেল চালকজন কিছু পৰিমানে আঘাত প্ৰাপ্ত হয়।
ঘটনাস্থলীত মাৰ্ঘেৰিটা আৰক্ষী উপস্থিত হৈ মৃতদেহটো মৰণোত্তৰ পৰীক্ষা ব্যৱস্থা কৰাৰ লগতে মটৰচাইকেলখনৰ চালকৰ চিকিৎসাৰ ব্যৱস্থা কৰিছে। সমগ্ৰ ঘটনাটোৱে অঞ্চলটোত তীব্ৰ চাঞ্চল্য সৃষ্টি কৰে।
উল্লেখ্য যে বিক্ৰম ভট্ৰাচাৰ্য অঞ্চলটোৰ এজন পুৰণি অ’টো চলক আছিল। মাৰ্ঘেৰিটা বুঢ়ীদিহং অ’টো সন্থাই সমগ্ৰ ঘটনাত গভীৰ শোক প্ৰকাশ কৰিছে।
লগতে পঢ়ক: টীয়কৰ চেলেংহাট হালোৱা গাঁৱত এগৰাকী মহিলাৰ মৃতদেহ উদ্ধাৰ
মাৰ্ঘেৰিটা ভিনাৰমিল নিবাসী বিক্ৰম ভট্ৰাচাৰ্যই কিছুদিন পূৰ্বে বিবাহপাশত আবদ্ধ হৈছিল। বিক্ৰমৰ মৃত্যুত ভিনাৰমিল বজাৰ অঞ্চলত গভীৰ শোকৰ ছাঁ পৰিছে।