Swain fever শিৱসাগৰত আফ্ৰিকান ছোৱাইন ফিভাৰৰ আতংক বিয়পিছে। আফ্ৰিকান ছোৱাইন ফিভাৰত আক্ৰান্ত হৈ শতাধিক গাহৰিৰ মৃত্যু ঘটাৰ পিছতে এইদৰে আতংক বিয়পিছে।
এই কথা জানিবলৈ দিছে শিৱসাগৰ জিলা পশু পালন বিভাগৰ বিষয়াই।
জিলাখনৰ খঙ্গীয়া গাওঁ, দিহিং কলঘৰ আৰু জালুকনি বিলত ছোৱাইন ফিভাৰৰ প্ৰাদুৰ্ভাৱ ঘটিছে।
লগতে পঢ়ক: অসম ৰাজ্যিক পৰিবহণ নিগমৰ ২,২৭৪ জন কৰ্মচাৰীক চাটাইৰ নিৰ্দেশ ৰাজ্য চৰকাৰৰ
এই ৰোগত আক্ৰান্ত হৈ বৰ্তমান সময়লৈকে প্ৰায় ২৮০ টা গাহৰিৰ মৃত্যু হোৱা বুলি জানিবলৈ দিছে জিলা পশুপালন বিষয়াগৰাকীয়ে।
অঞ্চলটোত আফ্ৰিকান ছোৱাইন ফিভাৰত আক্ৰান্ত হৈ থকা গাহৰি সমূহো নিধন কৰাৰ পৰামৰ্শ দিয়া হৈছে।
বাকী অঞ্চললৈ যাতে ৰোগ বিয়পি পৰিব নোৱাৰে তাৰ বাবে এই ব্যৱস্থা লোৱা হৈছে বুলি জানিবলৈ দিয়ে বিষয়াগৰাকীয়ে।
ছোৱানই ফিভাৰ ধৰা পৰা অঞ্চলত নিষিদ্ধ কৰা হৈছে গাহৰি মাংসৰ সৰবৰাহ।