PM Modi commissions INS Vikrant the largest ship প্ৰধানমন্ত্ৰী মোদীয়ে আজি আইএনএছ বিক্ৰান্তৰ (INS Vikrant)আনুষ্ঠানিকভাৱে যাত্ৰাৰম্ভ কৰে আৰু এই সপোন পূৰণৰ সৈতে জড়িত সকলোলৈকে অভিনন্দন জনায়।
এই ঐতিহাসিক মুহূৰ্তত প্ৰধানমন্ত্ৰীয়ে আজি কয়, “আইএনএছ বিক্ৰান্তত ব্যৱহৃত ষ্টীল ভাৰতত তৈয়াৰী। আইএনএছ বিক্ৰান্তত ব্যৱহৃত তাঁৰবোৰ কোচিৰ পৰা কাশীলৈকে বিস্তৃত হ’ব পাৰে। আইএনএছ বিক্ৰান্ত দুখন ফুটবল খেলপথাৰৰ দৰে ডাঙৰ। ই উৎপন্ন কৰিব পৰা বিদ্যুতে পাঁচ হাজাৰলৈকে ঘৰ আলোকিত কৰিব পাৰে।‘’
প্ৰধানমন্ত্ৰীয়ে লগতে কয়,”আজি ভাৰতক এনে দেশসমূহৰ তালিকাত অন্তৰ্ভুক্ত কৰা হৈছে যিয়ে নিজৰ থলুৱা প্ৰযুক্তিৰে ইমান ডাঙৰ বিমানবাহী ৰণতৰী নিৰ্মাণ কৰে। আজি, আইএনএছ বিক্ৰান্তে ভাৰতত এক নতুন আত্মবিশ্বাস জগাই তুলিছে। এই ঐতিহাসিক অনুষ্ঠানত মই ভাৰতীয় নৌসেনা, কোচি শ্বিপইয়ৰ্ডৰ সকলো অভিযন্তা, বিজ্ঞানী আৰু কৰ্মচাৰীলৈ কৃতজ্ঞতা জ্ঞাপন কৰিছো।‘’
"Bharat Bhagya Vidhata!"
WATCH | New Naval Ensign 'Nishaan', hoisted on #INSVikrant in the presence of Prime Minister @narendramodi. pic.twitter.com/vDPFUSDcU0
— Prasar Bharati News Services & Digital Platform (@PBNS_India) September 2, 2022
প্ৰধানমন্ত্ৰীৰ ভাষাত, “বিক্ৰান্ত বিশাল, বিক্ৰান্ত স্বতন্ত্ৰ, বিক্ৰান্ত বিশেষ। বিক্ৰান্ত কেৱল যুদ্ধজাহাজ নহয়, ই একবিংশ শতিকাত ভাৰতৰ কঠোৰ পৰিশ্ৰম, প্ৰতিভা, প্ৰভাৱ আৰু প্ৰতিশ্ৰুতিৰ প্ৰমাণ।”
প্ৰধানমন্ত্ৰীয়ে আজি কয়, ‘’প্ৰতিজন ভাৰতীয়ই কেৰালাৰ উপকূলৰ পৰা এক নতুন ভৱিষ্যতৰ সূৰ্যোদয় সাক্ষী হৈছে। আইএনএছ বিক্ৰান্তৰ এই অনুষ্ঠানটো বিশ্ব মঞ্চত ভাৰতৰ মনোবল শক্তিশালী হোৱাৰ প্ৰতিফলন।‘’
When India resolves to do something, no goal, no objective is unachievable. Today, India is one of the few nations building state-of-the-art defence technologies: PM @narendramodi#INSVikrant@indiannavy pic.twitter.com/2Kbfz2Z78u
— Prasar Bharati News Services & Digital Platform (@PBNS_India) September 2, 2022
ভাৰতৰ প্ৰথমখন যুঁজাৰু বিমান বাহক আইএনএছ বিক্ৰান্তে আজিৰ পৰা যাত্ৰা আৰম্ভ কৰিছে। মুঠ ২০,০০০ কোটি টকা ব্যয়েৰে নিৰ্মিত এই যুদ্ধজাহাজখনত ৩০ খন বিমান উঠানমা কৰিবলৈ সক্ষম হ’ব। মিগ-২৯ কেৰ দৰে যুঁজাৰু বিমানে বিক্ৰান্তৰ পৰা উৰা মাৰিব পাৰিব। ইয়াৰ উপৰিও, কামোভ ৩১ হেলিকপ্টাৰ, এমএইচ ৬১ মাল্টি-ৰোল হেলিকপ্টাৰ এই যুদ্ধজাহাজৰ পৰা উৰিব পাৰিব। এই যুদ্ধজাহাজখন নিৰ্মাণ কৰিবলৈ এক দশকৰো অধিক সময় লাগিছিল।