প্ৰয়াত চৈয়দ আব্দুল মালিকৰ কবিতাৰ ওপৰত কৰা বিতৰ্কিত মন্তব্য গৰিহণাৰ যোগ্য বুলি টুইটাৰ যোগে মন্তব্য কৰিছে প্ৰাক্তন আৰক্ষী সঞ্চালক প্ৰধান তথা বৰ্তমানৰ অসম সাহিত্য সভাৰ সভাপতি কুলধৰ শইকীয়াই।
‘তেখেতৰ দৰে নমস্য সাহিত্যিকৰ অসমীয়া জাতি গঠন প্ৰক্ৰিয়ালৈ আগবঢ়োৱা অমূল্য অৱদানক হেয় নকৰিব’। টুইটাৰত শইকীয়াই এইদৰে মন্তব্য কৰে।
উল্লেখযোগ্য যে, বৰেণ্য সাহিত্যিক চৈয়দ আব্দুল মালিকৰ কালজয়ী কবিতা ‘মই অসমীয়া’ক লৈ বিতৰ্কৰ সূত্ৰপাত ঘটাইছিল মঙলদৈ মহাবিদ্যালয়ৰ ইংৰাজী বিভাগৰ অধ্যাপিকা ৰুমী ৰাণী ভুঞাই।
তেওঁ কবিতাটোৰ মাজৰ পৰা মাত্ৰ তিনিটা শাৰীক লৈ বিতৰ্কৰ চেষ্টাৰ উদ্দেশ্যে যোৱা ২১ এপ্ৰিলত অধ্যাপিকা ভূঞাই ফেইচবুকত আপলোড কৰে।
‘মই অসমীয়া’ কবিতাটোক ‘মোগল বন্দনা’ বুলিও ফেইচবুক পোষ্টত উল্লেখ কৰিছিল অধ্যাপিকা ৰূপা ৰাণী ভূঞাই।
এই বিতৰ্কিত প’ষ্টৰ পিছতে অসম সাহিত্য সভাৰ লগতে ৰাজ্যৰ সাহিত্যিক তথা আগশাৰীৰ বিভিন্ন ব্যক্তিয়ে অধ্যাপিকাগৰাকীৰ এই কাণ্ডক সমালোচনা কৰিছিল।
ইয়াৰ উপৰি ভূঞাৰ বিৰুদ্ধে মহানগৰীৰ হাতীগাঁও থানাত এজাহাৰো দাখিল কৰা পৰিলক্ষিত হৈছিল সদৌ অসম গৰীয়া মৰীয়া দেশী জাতীয় পৰিষদৰ গুৱাহাটী মহানগৰ জিলাৰ সভাপতি ইছমাইল আলীক।
