অসমপ্ৰেমী যুৱ-ছাত্ৰ সমাজৰ টীয়কস্থিত মুখ্য কাৰ্যালয়ত অখিল গগৈৰ মুক্তিৰ দাবীৰে এক লাখ গণস্বাক্ষৰ গ্ৰহণ কৰাৰ লগতে অন্যান্য বিষয়কলৈ এখন সংবাদমেল অনুষ্ঠিত কৰে।
বৰাকত প্ৰদীপ দত্ত ৰায়ে অসমীয়া বিৰোধী কৰা মনোভাৱ, দিল্লীৰ কৃষক আন্দোলনত ভাগ লোৱা অসমৰ কৃষক দলৰ ওপৰত কৰা প্ৰশাসনৰ অত্যাচাৰ আৰু অখিল গগৈ শিৱসাগৰ সমষ্টিৰ পৰা নিৰ্বাচনত প্ৰতিদ্বন্দ্বিতা কৰাক লৈ এক সংবাদ মেলত বিস্তাৰিত ভাবে প্ৰকাশ কৰা হয়।
সংবাদ মেল সম্বোধন কৰি সংগঠনটোৰ কেন্দ্ৰীয় সভাপতি অৰিন্দম শদিয়াখোৱা,প্ৰচাৰ সম্পাদক মানস প্ৰতীম ভুঞাই উক্ত কেউটি বিষয়ত আলোকপাত কৰে আৰু অসম তথা অসমীয়াৰ স্বাৰ্থত ৰাইজৰ দলত সকলোকে যোগদান কৰি কৃষক নেতাগৰাকীৰ হাতত শাসনৰ বাঘজৰী অৰ্পণ কৰিবলৈ আহ্বান জনায়।
উল্লেখযোগ্য যে কাইলৈ অসমলৈ দেশৰ প্ৰধান মন্ত্ৰী নৰেন্দ্ৰ মোদী অসমলৈ আহিব। কৃষক নেতাগৰাকীৰ মুক্তিৰ দাবীত প্ৰায় দহ হাজাৰ স্বাক্ষৰ সম্বলিত এখনি স্মাৰক পত্ৰ মোদীক প্ৰদানৰ ব্যৱস্থা কৰা হৈছে বুলি সংবাদমেলত নেতাগৰাকীয়ে প্ৰকাশ কৰে।
সংগঠনটোৱে আৰু এই মহান উদ্দেশ্য সফল কৰাত প্ৰতিজন অসমীয়াৰ সহযোগিতা আশা কৰিছে।
