এইবাৰৰ বিশ্বকাপ জয়ৰ বাবে স্পেইনে প্ৰায় ৫০০ কোটি টকা পুৰস্কাৰ হিচাপে লাভ কৰে। লিয়নেল মেছিৰ আৰ্জেণ্টিনাইও ৰানাৰ্ছ আপ হিচাপে লাভ কৰিছে বৃহৎ পৰিমাণৰ ধন। অৱশ্যে কেৱল চেম্পিয়ন, ৰানাৰ্ছ আপ বা ছেমি ফাইনেলিষ্টেই নহয়; বিশ্বকাপত অংশগ্ৰহণ কৰা প্ৰতিটো দলক নিৰ্দিষ্ট পৰিমাণৰ পুৰস্কাৰৰ ধন দিয়া হৈছে।
ফিফাই অৱগত কৰিছে যে ২০২৬ চনৰ বিশ্বকাপত অভিলেখ ৬৫৫ মিলিয়ন মাৰ্কিন ডলাৰ (ভাৰতীয় মুদ্ৰাত প্ৰায় ৬,৩০৬ কোটি ৭০ লাখ ২ হাজাৰ ৫০০ টকা) দিয়া হৈছে। যিটো ২০২২ চনৰ কাটাৰ বিশ্বকাপতকৈ ৫০ শতাংশ অধিক।
প্ৰস্তুতিৰ বাবেও ধন আগবঢ়াইছিল ফিফাই
অৱশ্যে কেৱল পুৰস্কাৰৰ ধনেই নহয়, ফিফাই বিশ্বকাপত অংশগ্ৰহণ কৰা ৪৮খন দেশক প্ৰস্তুতিৰ খৰচো আগবঢ়াইছিল। বিশ্ব ফুটবলৰ নিয়ামক সংস্থাৰ তথ্য অনুসৰি ফিফাই বিশ্বকাপত অংশগ্ৰহণ কৰা ৪৮টা দলৰ প্ৰতিটোকে প্ৰস্তুতিৰ খৰচৰ বাবে ১৫ লাখ ডলাৰ দিছে। ভাৰতীয় মুদ্ৰাত এয়া প্ৰায় ১৪৪.৪২৮ কোটি টকা।
প্ৰতিটো দলে কিমান পুৰস্কাৰৰ ধন (প্ৰস্তুতিৰ খৰচ বাদ দি) লাভ কৰিলে?
১) চেম্পিয়ন দল: ৫ কোটি ডলাৰ (ভাৰতীয় মুদ্ৰাত প্ৰায় ৪৮১ কোটি ৪২ লাখ ৭৫ হাজাৰ টকা)।
২) ৰানাৰ্ছ আপ: ৩৩ মিলিয়ন ডলাৰ (ভাৰতীয় মুদ্ৰাত প্ৰায় ৩১৭ কোটি ৭৪ লাখ ২১ হাজাৰ ৫০০ টকা)
৩) তৃতীয় স্থানপ্ৰাপ্ত (ইংলেণ্ড): ২৯ মিলিয়ন ডলাৰ (ভাৰতীয় মুদ্ৰাত প্ৰায় ২৭৯ কোটি ২২ লাখ ৭৯ হাজাৰ ৫০০ টকা)।
৪) চতুৰ্থ স্থানপ্ৰাপ্ত (ফ্ৰান্স): ২৭ মিলিয়ন ডলাৰ (ভাৰতীয় মুদ্ৰাত প্ৰায় ২৫৯ কোটি ৯৭ লাখ ৮৫ হাজাৰ ৫০০ টকা)।
৫) পঞ্চম স্থানৰ পৰা অষ্টম স্থানপ্ৰাপ্ত দল : ১৯ মিলিয়ন মাৰ্কিন ডলাৰ (ভাৰতীয় মুদ্ৰাত প্ৰায় ১৮২ কোটি ৯৪ লাখ ২৪ হাজাৰ ৫০০ টকা)।
৬) নৱম স্থানৰ পৰা ষোড়শ স্থানপ্ৰাপ্ত দল : ১৫ মিলিয়ন মাৰ্কিন ডলাৰ (ভাৰতীয় মুদ্ৰাত প্ৰায় ১৪৪ কোটি ৪২ লাখ ৮২ হাজাৰ ৫০০ টকা)।
৭) ১৭ৰ পৰা ৩২ নং স্থানপ্ৰাপ্ত দল : ১ কোটি ১০ লাখ মাৰ্কিন ডলাৰ (ভাৰতীয় মুদ্ৰাত প্ৰায় ১০৫ কোটি ৯১ লাখ ৪০ হাজাৰ ৫০০ টকা)।
৮)৩৩ৰ পৰা ৪৮ম স্থানপ্ৰাপ্ত দল : ৯ মিলিয়ন মাৰ্কিন ডলাৰ (ভাৰতীয় মুদ্ৰাত প্ৰায় ৮৬ কোটি ৬৫ লাখ ৬৯ হাজাৰ ৫০০ টকা)।
বিশ্বকাপত কোনটো দলে কি স্থানত অন্ত পেলাইছিল?
১) চেম্পিয়ন : স্পেইন।
২) ৰানাৰ্ছ আপ : আৰ্জেণ্টিনা।
৩) তৃতীয়: ইংলেণ্ড।
৪) চতুৰ্থ : ফ্ৰান্স।
৫) পঞ্চমৰ পৰা অষ্টম স্থানৰ দল : মৰক্কো, বেলজিয়াম, নৰৱে আৰু চুইজাৰলেণ্ড।
৬) নৱম স্থানৰ পৰা ষোড়শ স্থানৰ দল : ব্ৰাজিল, মেক্সিকো, ইজিপ্ত, কলম্বিয়া, পেৰাগুৱে, কানাডা, পৰ্তুগাল আৰু বেলজিয়াম।
৭) সোতৰৰ পৰা বত্ৰিশ স্থানৰ দল : জাৰ্মানী, ছুইডেন, দক্ষিণ আফ্ৰিকা, নেদাৰলেণ্ড, ক্ৰ’ৱেচিয়া, অষ্ট্ৰিয়া, বছনিয়া আৰু হাৰ্জেগোভিনা, চেনেগাল, জাপান, আইভৰি কোষ্ট, ইকুৱেডৰ, কংগো, কেপ ভাৰ্ডে, অষ্ট্ৰেলিয়া, আলজেৰিয়া আৰু ঘানা।
৮) ত্ৰিশৰ পৰা আটচল্লিশ স্থানত থকা দল : দক্ষিণ কোৰিয়া, চেক গণৰাজ্য, কাটাৰ, স্কটলেণ্ড, হাইটি, তুৰস্ক, কুৰাচাও, টিউনিছিয়া, ইৰাণ, নিউজিলেণ্ড, উৰুগুৱে, চৌদি আৰব, ইৰাক, জৰ্ডান, উজবেকিস্তান আৰু পানামা।
