ৰাষ্ট্ৰীয় নাগৰিক পঞ্জী, চমুকৈ NRCৰ প্ৰাক্তন ৰাজ্যিক সমন্বয়ক হিতেশ দেৱশৰ্মাৰ বিৰুদ্ধে মানহানি গোচৰ ৰুজু কৰিছে সদৌ অসম ছাত্ৰ সন্থাৰ মুখ্য উপদেষ্টা সমুজ্জল ভট্টাচাৰ্যই।
কামৰূপ মহানগৰ দেৱানী আদালতত হিতেশ দেৱশৰ্মাৰ বিৰুদ্ধে এশ কোটি টকাৰ মানহানি গোচৰ ৰুজু কৰিছে আছু নেতাগৰাকীয়ে।
উল্লেখ্য যে, NRCৰ প্ৰাক্তন ৰাজ্যিক সমন্বয়কগৰাকীয়ে ড০ সমুজ্জ্বল ভট্টাচাৰ্যৰ বিৰুদ্ধে উত্থাপন কৰিছিল বিস্ফোৰক অভিযোগ।
সমুজ্জ্বল ভট্টাচাৰ্য NRC কেলেংকাৰীত জড়িত থকাৰ অভিযোগ তুলিছিল দেৱশৰ্মাই।
NRCৰ আন এজন প্ৰাক্তন ৰাজ্যিক সমন্বয়ক প্রতীক হাজেলাৰ পৰা সমুজ্জল ভট্টাচাৰ্যই মাহে ১৬ লাখকৈ টকা লোৱা বুলি দেৱশৰ্মাই অভিযোগ তুলিছিল।
হিতেশ দেৱশৰ্মাৰ এই অভিযোগক কেন্দ্ৰ কৰি সমগ্ৰ ৰাজ্যত ব্যাপক প্ৰতিক্ৰিয়াৰ সৃষ্টি হৈছিল।
এনে অভিযোগৰ প্ৰতিক্ৰিয়া প্ৰকাশ কৰি সমুজ্জল ভট্টাচাৰ্যই তেতিয়াই দেৱশৰ্মাৰ বিৰুদ্ধে মানহানি গোচৰ তৰাৰ হুংকাৰ দিছিল।
