অবিভক্ত শিৱসাগৰ জিলাত কৰ্মৰত হৈ আছে অবৈধভাৱে নিযুক্ত কেইবা শতাধিক কৰ্মচাৰী। স্বাস্থ্য বিভাগৰ বিভিন্ন পদত কৰ্মৰত ৯১ গৰাকী কৰ্মচাৰীৰ নিযুক্তি সংক্ৰান্তীয় নথি পত্ৰ পৰীক্ষাৰ বাবে জমা দিবলৈ দিয়া নিৰ্দেশনাই এতিয়া তুলিছে খলকনি।
জিলা যুটীয়া স্বাস্থ্য সঞ্চালকৰ কাৰ্যালয়ে এইসকল কৰ্মচাৰীক কি কি নথি-পত্ৰ আছে অহা ১২ আগষ্টৰ ভিতৰত জমা দিবলৈ নিৰ্দেশ দিছে। ইয়াৰ পিছতে পৰীক্ষা-নিৰীক্ষাৰ বাবে গুৱাহাটীস্থিত স্বাস্থ্য সঞ্চালকৰ কাৰ্যালয়লৈ প্ৰেৰণ কৰিব সকলো নথি পত্ৰ।
লগতে পঢ়ক: MDoNER: ৰাজ্যৰ ক্ষমতা কৰ্তন; নেডফিৰ জৰিয়তে পুঁজি আগবঢ়াব ড’নাৰ মন্ত্ৰালয়ে
সাক্ষাৎকাৰ, প্ৰকৃত নিযুক্তি পত্ৰ অবিহনে কেৱল বদলিকৰণৰ কাগজ লৈ কংগ্ৰেছ চৰকাৰৰ কাৰ্যকালতে এই সকল কৰ্মচাৰীয়ে ধনৰ বিনিময়ত চাকৰি লাভ কৰা বুলি অভিযোগ উত্থাপন হৈ আহিছিল।
Vaccinator, health educator, LDA, MPW(m)s, pharmacist, radiographer, leprosy, laboratory technician আদি পদত জিলা দুখনত কেইবা শতাধিকে অনিয়মেৰে নিযুক্তি লাভ কৰি দৰমহা ভোগ কৰি আহিছে।
শেহতীয়াকৈ আৰ টি আই কৰ্মী তথা অসম নৱ নিৰ্মাণ সমিতিৰ দিগন্ত শইকীয়াই তথ্য জনা অধিকাৰ আইনৰ অধীনত লাভ কৰা তথ্যত জালয়াতিৰ ছবি স্পষ্ট হৈ পৰাত বাধ্য হৈ স্বাস্থ্য সঞ্চালকৰ নিৰ্দেশ মতে জিলা যুটীয়া স্বাস্থ্য সঞ্চালকে আৰম্ভ কৰিছে তদন্ত।
লক্ষ্যণীয় যে কংগ্ৰেছ চৰকাৰৰ দিনত অৱসৰপ্ৰাপ্ত স্বাস্থ্য সঞ্চালক ধ্ৰুৱ হোজাইৰ কাৰ্যকালতে ৰাজ্যৰ বিভিন্ন জিলাত হৈছিল অবৈধ নিযুক্তি। ফলত স্বাস্থ্য খণ্ডত অনিয়মেৰে নিযুক্ত শ শ কৰ্মচাৰীয়ে আজি পৰ্যন্ত দৰমহা ভোগ কৰি আছে।
এনে সময়তে পুনৰ নিযুক্তি কেলেংকাৰীৰ ছবি পোহৰলৈ অহাত উত্থাপন হৈছে অনেক প্ৰশ্নৰ ।
লগতে পঢ়ক: মুখ্যমন্ত্ৰীৰ পৰিয়ালৰ ঘনিষ্ঠ ব্যৱসায়ী অশোক ধানুকালৈ পশ্চিমবংগ চিআইডিয়ে কিয় জাৰি কৰিলে চমন?
বিভিন্ন জিলাৰ পৰা বদলি হৈ অহা দেখুৱাই শিৱসাগৰ আৰু চৰাইদেউ জিলাত কাৰ্মৰত এইসকল কৰ্মচাৰীয়ে কাৰ আশীৰ্বাদত সাক্ষাৎকাৰ অবিহনে লাভ কৰিছিল নিযুক্তি? ধনৰ বিনিময়ত নিযুক্তিৰ বজাৰ খোলা বিভাগীয় উচ্চ পদস্থ বিষয়া সকলৰ বিৰুদ্ধে ল’বনে উচিত পদক্ষেপ? বৰ্তমান এই প্ৰশ্ন আৰ টি আই কৰ্মী দিগন্ত শইকীয়াৰ।