২০২৩ চনৰ ডিচেম্বৰ মাহত প্ৰধানমন্ত্ৰী নৰেন্দ্ৰ মোদীয়ে উন্মোচন কৰিছিল মাৰাঠা সম্ৰাট ছত্ৰপতি শিৱাজী মহাৰাজৰ ৩৫ ফুট উচ্চতাৰ প্ৰতিমূৰ্তি। সেই মূৰ্তিটো ভাঙি পৰিছে। এই প্ৰতিমূৰ্তি মহাৰাষ্ট্ৰৰ সিন্ধুদুৰ্গ জিলাত আছিল। ৰাজ্যখনৰ মুখ্যমন্ত্ৰী একনাথ শিণ্ডেই এই ঘটনা ধুমুহাৰ ফলত হোৱা বুলি দাবী কৰিছে।
বিগত কেইসপ্তাহমানৰ পৰা মহাৰাষ্ট্ৰত অবিৰতভাৱে বৰষুণ দি আছে। পৰিস্থিতি এনেকুৱা যে বানপানীৰ আশংকা কৰা হৈছে। কেইবাটাও অঞ্চল ডুব গৈছে, বহু লোক গৃহহীন হৈছে। আৰু সিন্ধুদুৰ্গৰ ৰাজকোট দুৰ্গ অঞ্চলত, য’ত এই প্ৰতিমূৰ্তিটো আছিল, তাত যোৱা কেইদিনমানৰ পৰা ধাৰাবাহিকভাৱে বৰষুণ হৈ আহিছে। তাৰ লগত ধুমুহাও আছে।
লগতে পঢ়কঃ গছ কাটি তহিলং, এনেকৈয়ে হ’ব গুৱাহাটীৰ উন্নয়ন! নতুন উৰণীয়া সেতুৰ বাবে আকৌ কাটিলে কেইবাডালো গছ
মুখ্যমন্ত্ৰী একনাথ শিণ্ডেৰ ভাষাত, “আমি শিৱাজী মহাৰাজক পূজা কৰো। তেওঁক ভগৱান হিচাপে মানো। এই ঘটনা সঁচাই দুখজনক। কিন্তু বতৰৰ পৰিস্থিতিৰ বাবে এনে ঘটনা সংঘটিত হৈছে। আমাৰ মন্ত্ৰী তালৈ গৈ পৰিস্থিতিৰ বুজ লৈছে।”
বিগত বৰ্ষৰ ৪ ডিচেম্বৰত নৌসেনা দিৱসত প্ৰধানমন্ত্ৰীয়ে উন্মোচন কৰা এই প্ৰতিমূৰ্তিটো কেনেকৈ ইমান সহজে ভাঙি পৰিল, সেই লৈ ইতিমধ্যে বিৰোধী ৰাজনৈতিক শিবিৰত প্ৰশ্ন উত্থাপন হৈছে। স্পষ্টকৈ ক’বলৈ গ’লে মহাৰাষ্ট্ৰ চৰকাৰে কিমান বেয়া কাম কৰিছে তাৰ উদাহৰণ এইটোৱেই৷ শিৱসেনাই (উদ্ধৱ থাকৰে) কয় যে ৰাজ্য চৰকাৰে নিশ্চিতভাৱে এই গাফিলতিৰ দায়িত্ব এৰিবলৈ চেষ্টা কৰিব। কিন্তু কি কাম কৰা হৈছে সেয়া পৰীক্ষা কৰাৰ প্ৰয়োজন আছে।
লগতে পঢ়কঃ মৰ্মান্তিক! চাইকেলত উন্মুক্ত বিদ্যুৎ পৰিবাহী তাঁৰ লাগি মৃত্যু স্কুলীয়া ছাত্ৰৰ
এন চি পিয়ে কৈছে যে শিণ্ডে চৰকাৰে কোনো চৰকাৰী কামত গুৰুত্ব দিয়া নাই। বেয়া সামগ্ৰীৰে এই মূৰ্তিটো বনাইছিল সেয়ে ইমান সোনকালে ভাঙি পৰিল। বহু কথাই সিহঁতে গুৰুত্ব নিদিয়ে। যিবোৰ সংস্থাৰ সৈতে নিজৰ সুবিধা আছে সেইবোৰক নিবিদা দিয়ে। কাৰণ তেওঁলোকে তেওঁলোকৰ পৰা কমিচন পায়।
