টি আৰ পি কেলেংকাৰীয়ে সমগ্ৰ ভাৰতবৰ্ষক জোকাৰি থকা সময়ত কিছুমান অপিনিয়ন পল ৰাইজে কেতিয়াও নকৰে।
অসমত কোন দলে কিমান আসন পাব,সেই বিষয়ে সংবাদ মাধ্যমত দেখুওৱা অপিনিয়ন পল ৰ সমীক্ষাৰ ওপৰত আছুৰ কেন্দ্ৰীয় সভাপতি দিপাংক নাথে আজি বিশ্বনাথত সাংবাদিকৰ আগত কয় যে টি আৰ পি কেলেংকাৰীয়ে সমগ্ৰ ভাৰতবৰ্ষক জোকাৰি থকাৰ সময়তে এনে ধৰণৰ অপিনিয়হন পলত ৰাইজে কেতিয়াও বিশ্বাস নকৰে।
অসম তথা ভাৰতৰ ৰাইজে ইতিমধ্যে সিদ্ধান্ত লোৱা আৰম্ভ কৰিছে।
গতিকে জাতিয়ে সিদ্ধান্ত লব কোনে কিদৰে ভবিষ্যতৰ বাবে আগবঢ়াই দিব, কোনে কাক কিদৰে জাতিক সেৱা কৰাৰ কাৰণে দায়িত্ব দিব।
অসমৰ প্ৰতিটো জাতি জনগো্ঠীক এতিয়া ভাষা ভাষিক একত্ৰিত হৈছে।
এতিয়া সেয়ে সিদ্ধান্ত লোৱাৰ সময় সমাগত।
গতিকে অসমৰ ৰাইজে সংকল্প লৈ সিদ্ধান্ত লব লাগিব।
অসমৰ জাতি মাটি ভেটি ৰক্ষাৰ নামত এচামে আমাৰ জাতিটোক নিঃশেষ কৰাৰ ষড়যন্ত্ৰত লিপ্ত হৈছে,দিল্লীৰ শ্ৰুতলিপি মতে চলা এনে এখন চৰকাৰক পুনৰ ইয়াত অধিষ্ঠিত হোৱাটো অসমৰ ৰাইজে বিচাৰিব নে বুলিও তেওঁ প্ৰশ্ন কৰে।
আনহাতে সভাপতি গৰাকীয়ে ব্ৰহ্মপুত্ৰৰ উত্তৰ পাৰৰ মৎস্যজীৱী লোকসকলৰ মৎস্য চিকাৰ কৰাৰ ক্ষেত্ৰতো গুৰুত্বপূৰ্ণ মন্তব্য প্ৰকাশ কৰি কয় যে ভূপেন হাজৰিকায়ো ব্ৰহ্মপুত্ৰক জীৱন ৰেখাৰ লগত তুলনা কৰিছিল।
মৎস্যজীৱী লোক সকলক এই অধিকাৰৰ পৰা বঞ্চিত কৰাতো নিন্দনীয় কাৰ্য বুলি তেওঁ কয়।
আনহাতে এই অধিকাৰৰ পৰা তেওঁলোকক বঞ্চিত কৰিবলৈ হলে তেওঁলোকক বিকল্প ব্যবস্থা কৰি দিয়াটো চৰকাৰৰ দায়িত্ব আৰু কৰ্তব্য বুলি প্ৰকাশ কৰে সভাপতি গৰাকীয়ে।
আজি আছুৰ কেন্দ্ৰীয় সভাপতি গৰাকী লক্ষীমপুৰৰ পৰা উভতি অহাৰ পথত বিশ্বনাথৰ ৰয়েল পেলেচ হোটেলত কিছু সময় ৰোৱাত বিশ্বনাথ আছুৱে সভাপতি গৰাকীক বিপুল আদৰণী জনায় আৰু সেই সময়তে সাংবাদিকৰ আগত এইদৰে সভাপতি গৰাকীয়ে মন্তব্য কৰে।
