ভালকৈ মন কৰক, ০-০-৩-০-২-১-১-০-০-৪-১ -এইটো কোনো আইএছডি নম্বৰ নহয়। নতুবা কোনো পাছৱৰ্ডো নহয়। এইটো প্ৰকৃততে বিগ বেছ লীগৰ দল চিডনী থাণ্ডাৰৰ ১১ জন বেটছমেনৰ সংগ্ৰহ কৰা ৰাণ।
শুকুৰবাৰে বিগ বেছ লীগৰ খেলখনত এডিলেড ষ্ট্ৰাইকাৰ্ছৰ বিৰুদ্ধে ৫ অভাৰ ৫টা বল খেলি চিডনী থাণ্ডাৰে মাত্ৰ ১৫ ৰাণতে অল আউট হয়। সেইদৰে, তেওঁলোকে টী-২০ৰ বিশ্ব ক্ৰিকেটৰ ইতিহাসত আটাইতকৈ লজ্জাজনক অভিলেখ স্থাপন কৰিলে।
লগতে পঢ়ক: চাৰিখন ভৰিৰে জন্ম হ’ল নৱজাতকৰ; লাখ লাখ শিশুৰ ভিতৰত মাত্ৰ এজনহে আক্ৰান্ত হয় এই বিৰল ৰোগত
চিডনী থাণ্ডাৰে পুৰুষৰ টি-২০ ক্ৰিকেটত সৰ্বনিম্ন স্ক’ৰ অৰ্জন কৰিছে। তেওঁলোকে তুৰ্কীৰ ২১ ৰাণত আউট হোৱাৰ লজ্জাজনক অভিলেখকো অতিক্ৰম কৰিছে। ২০১৯ চনত চেক গণৰাজ্যৰ বিৰুদ্ধে এখন টী-২০ খেলত তুৰ্কী ২১ ৰাণত অল আউট হৈছিল।
এডিলেড ষ্ট্ৰাইকাৰ্ছে টছত জিকি প্ৰথমে বেটিং কৰাৰ সিদ্ধান্ত লয়। এইটো নহয় যে তেওঁলোকে আৰম্ভণিতে ভাল প্ৰদৰ্শন কৰিছিল। তেওঁলোকেও ৩২ ৰাণত ৩ টা উইকেট হেৰুৱাইছিল। তাৰ পৰা, ক্ৰিছ লিন আৰু কলিং ডি’গ্ৰেণ্ডহোমে দলটোক কিছু ভাল স্থানলৈ লৈ যায়। লিনৰ ৩৬ আৰু গ্ৰেণ্ডহোমৰ ৩৩ ৰাণৰ বাহিৰে এডিলেড ষ্ট্ৰাইকাৰসকলৰ বাকী খিনি স্ক’ৰ লেখত ল’বলগীয়া নহয়।
তথাপি আন তিনিজনে দুটা সংখ্যাত উপনীত হৈছিল। থমাছ কেলি আৰু হেৰী নিয়েলচনে প্ৰতিজনে ১৩ ৰাণকৈ সংগ্ৰহ কৰিছিল। জেক ৱেটহেৰাল্ডে ১০ ৰাণ কৰিছিল। ইয়াৰ বাহিৰে বাকীবোৰ এটা অংকৰ ঘৰতে আবদ্ধ আছিল। তেওঁলোকে ৯ টা উইকেট হেৰুৱাই ১৩৯ ৰাণ সংগ্ৰহ কৰি যুঁজিবলৈ কিছু প্ৰত্যাহ্বান আগবঢ়াইছিল।
লগতে পঢ়ক: সক্ৰিয় কিম জং-উন! নতুন অস্ত্ৰৰ বাবে অত্যাধুনিক ইঞ্জিনৰ পৰীক্ষা চলালে উত্তৰ কোৰিয়াই
চিডনীৰ ফজল হক ফাৰুকীয়ে ৩ টা উইকেট দখল কৰিছিল। গুৰিন্দৰ সান্ধু, ডেনিয়েল চামছ আৰু ব্ৰেণ্ডন ডগেটে দুটাকৈ উইকেট দখল কৰে।
কিন্তু চিডনী থাণ্ডাৰে ৰান অতিক্ৰমৰ লক্ষ্য লৈ যি কৰিলে সেয়া বিশ্ব ক্ৰিকেটত লাজত মুখ দেখুৱাব নোৱাৰা ঘটনা। খেলখন মাত্ৰ ১৫ ৰাণতে সমাপ্ত হয়। ইমান কম ৰাণত অল আউট হোৱাটো নিঃসন্দেহে চিডনীৰ বাবে এটা ডাঙৰ দুৰ্যোগ।
লগতে পঢ়ক: মহাবিদ্যালয়ৰ হোষ্টেলতে আত্মহত্যা অভিযান্ত্ৰিকৰ ছাত্ৰৰ; আৰক্ষীয়ে আৰম্ভ কৰিছে তদন্ত
এডিলেডৰ হেনৰী থৰ্ণটন আৰু ৱেছ আগৰে চিডনীৰ ইনিংছ ধ্বংস কৰি দিছিল। থৰ্ণটনে ৫ টা উইকেট দখল কৰাৰ বিপৰীতে,আগৰে ৪ টা উইকেট আৰু মেথিউ শ্বৰ্টে ১ টা উইকেট দখল কৰিছিল।