সমগ্ৰ বিশ্বৰ লগতে উত্তৰ-পূবতো সৰ্বাধিক জনপ্ৰ্ৰিয় মে’ছেঞ্জাৰ এপ ৱটছএপ ব্যৱহাৰ কৰোঁতে সাৱধান হওক।
End-to-end এনক্ৰিপশ্বনেৰে ইউজাৰৰ গোপনীয়তা সুৰক্ষিত কৰাৰ দাবী কৰা এপটোৱে শেহতীয়াকৈ প্ৰতিমাহে বন্ধ কৰিছে ২ কোটি একাউণ্ট।
এপটোৱে একেবাৰতে বৃহৎ সংখ্যক মে’ছেজ পঠিওৱা আৰু সন্দেহজনক একাউণ্ট ব্লক কৰিছে।
লগতে পঢ়ক– কেন্দ্ৰৰ প্ৰস্তাৱিত বিধিয়ে ভাৰতৰ সংকট আনিছে ৱটছএপৰ
সমাগত লোকসভা নিৰ্বাচনৰ পৰিপ্ৰেক্ষিতত ভাৰতত অধিক কঠোৰতা অৱলম্বন কৰিছে ফে’চবুক মালিকানাধীন এপটোৱে। ৱটছএপে ইতিমধ্যে ভাৰতত নিয়োগ কৰিছে এজন অভিযোগ নিষ্পত্তিকাৰী বিষয়া—যাক পোনপতীয়াকৈ যিকোনো লোকে যোগাযোগ কৰিব পাৰে।
এপটোৰ যোগেদি বিনামূলীয়া একেলগতে বৃহৎসংখ্যক মে’ছেজ পঠোৱাটোক তেওঁলোকে “অপব্যৱহাৰ” বুলি অভিহিত কৰিছে।
“বহুতে আমাৰ বিনামূলীয়া সেৱা অপব্যৱহাৰ কৰিবলৈ চেষ্টা কৰি আছে। অপব্যৱহাৰ ৰোধ অভিযানেৰে প্লেটফৰ্মটো আমি সুৰক্ষিত ৰাখিব খুজিছো,” ৱটছএপৰ বিবৃতিৰ এই উদ্ধৃতি ইকনমিক টাইমছ-ৰ।
এপটোৱে ৰাজনৈতিক দলৰ কৰ্মীসকলৰ বাবে প্ৰশিক্ষণৰো ব্যৱস্থা কৰিছে।