চলিত বৰ্ষৰ ২২ মাৰ্চৰ পৰা আৰম্ভ হ’ব বহু প্ৰত্যাশিত আই পি এল। অৰ্থাৎ মাত্ৰ কেইদিনমানৰ অপেক্ষা। চলিত বৰ্ষৰ আই পি এল আৰম্ভ হোৱাৰ পূর্বে কেন্দ্রীয় চৰকাৰে লৈছে এক ডাঙৰ সিদ্ধান্ত.
উল্লেখ্য যে আই পি এল আৰম্ভ হোৱাৰ ডাঙৰ লোকচানৰ সন্মুখীন হৈছে ভাৰতীয় ক্ৰিকেট ব’ৰ্ড।
সূত্ৰসমূহে প্ৰকাশ কৰা অনুসৰি আগন্তুক আই পি এল ছিজনৰ পূৰ্বে ভাৰত চৰকাৰে বৃহৎ নিষেধাজ্ঞা আৰোপ কৰিছে। এই নিষেধাজ্ঞাৰ বাবেই বৃহৎ লোকচানৰ সন্মুখীন হৈছে বিচিচিআই ।
ইতিমধ্যে ভাৰতীয় ক্ৰিকেট অনুৰাগীসকলে বহু প্ৰত্যাশিত ইণ্ডিয়ান প্ৰিমিয়াৰ লীগ (আই পি এল ২০২৫)ৰ ১৮ সংখ্যক সংস্কৰণৰ বাবে আগ্ৰহেৰে অপেক্ষা কৰি আছে। বছৰৰ এই সময়ত অৰ্থাৎ মাৰ্চ মাহত ভাৰতীয় ক্ৰিকেট ব’ৰ্ডে লীগ ক্ৰিকেটৰ পৰা বহু টকা উপাৰ্জন কৰে। ২০২৫ চনতো সেই লক্ষ্য পূৰণৰ বাবে আই পি এল ২০২৫ আয়োজন কৰাৰ পথত আগবাঢ়িছে বি চি চি আই। কিন্তু ভাৰত চৰকাৰে জাৰি কৰা নিষেধাজ্ঞাই সঁচাকৈয়ে ভাৰতীয় ব’ৰ্ডৰ বিষয়াসকলক যথেষ্ট আঘাত কৰিছে।
সংবাদ মাধ্যমে প্ৰকাশ কৰিছে যে বছৰৰ এই সময়ত যেতিয়া আই পি এল অনুষ্ঠিত হয় তেতিয়া বি চি চি আইয়ে একাধিক কোম্পানীৰ বিজ্ঞাপনৰ পৰা বহু টকা উপাৰ্জন কৰে। কেৱল সেয়াই নহয়, এনে বহু বিজ্ঞাপনত নিচাযুক্ত দ্ৰব্যৰ বিজ্ঞাপনও সন্নিবিষ্ট কৰা হৈছে। মোডী চৰকাৰে এইবাৰ সেই ধৰণৰ বিজ্ঞাপনক লক্ষ্য কৰি লৈছে।
কেন্দ্ৰীয় চৰকাৰে এনে ধঁপাত আৰু মদৰ বিজ্ঞাপনত কঠোৰ নিষেধাজ্ঞা আৰোপ কৰিছে। আই পি এল আৰম্ভ হোৱাৰ ১১ দিন পূৰ্বে এনে সিদ্ধান্তৰ বাবে ভাৰতীয় ক্ৰিকেট ব’ৰ্ডে বৃহৎ লোকচানৰ সন্মুখীন হ’বলগীয়া হৈছে।
কেইবাটাও প্ৰতিবেদনত দাবী কৰা হৈছে যে চৰকাৰৰ নিৰ্দেশ অনুসৰি আগন্তুক আই পি এলত ভাৰতীয় ক্ৰিকেট ব’ৰ্ডে খেলপথাৰৰ কোনো ঠাইতে লাইভ মেচ বা ধঁপাতজাতীয় সামগ্ৰীৰ বিজ্ঞাপন দি ধন উপাৰ্জন কৰিব নোৱাৰিব।
বি চি চি আইৰ বাবে ধন উপাৰ্জনৰ সোণালী সুযোগ এতিয়া সম্ভৱ নহয়। জানিব পৰা মতে আগন্তুক ছিজনত ড্ৰাগছৰ বিজ্ঞাপন সম্পূৰ্ণৰূপে নিষিদ্ধ কৰা হ’ব। যাৰ ফলত ভাৰতীয় ক্ৰিকেট ব’ৰ্ডৰ কোটি কোটি টকাৰ বৃহৎ আৰ্থিক লোকচান হ’ব।
মন কৰিবলগীয়া যে, আই পি এলৰ প্ৰাকক্ষণত দলসমূহক কঠোৰ নিৰ্দেশনা জাৰি কৰাৰ মাজতে ভাৰত চৰকাৰে জাৰি কৰা নতুন নিষেধাজ্ঞাৰ ফলত কেৱল বি চি চি আইয়েই নহয়, আই পি এলৰ বিভিন্ন ফ্ৰেঞ্চাইজিও স্তম্ভিত হৈ পৰিছে।
