অসম আৰক্ষীৰ তদাৰকী আৰু দুৰ্নীতি নিবাৰক সঞ্চালকালয়ৰ এটা দলে বুধবাৰে এক অভিযান চলাই ডিব্ৰুগড় জিলা পৰিবহন কাৰ্যালয়ৰ কনিষ্ঠ সহায়ক দিতিমনি গগৈ আৰু দালাল পংকজ শইকীয়াক গ্ৰেপ্তাৰ কৰে।
নিৰ্দিষ্ট তথ্যৰ ওপৰত অভিযান চলাই ভিজিলেন্স আৰু এন্টি ক’ৰাপশ্যনৰ দলটোৱে পৰিকল্পনা মতে জাল পেলাই পংকজ শইকীয়াক ৭০০ টকাৰ উৎকোচ গ্ৰহণ কৰাৰ সময়ত হাতেলোটে কৰায়ত্ত কৰে।
অভিযোগ অনুসৰি শইকীয়াই পথ কৰ অফলাইন পৰিশোধৰ সুবিধা কৰি দিয়াৰ বাবে গগৈৰ হৈ উৎকোচ গ্ৰহণ কৰিছিল।
লগতে পঢ়ক: অসমৰ কি আহে যায়! কেন্দ্ৰৰ হিন্দী আগ্ৰাসনৰ বিৰুদ্ধে তামিলনাডু বিধানসভাত প্ৰস্তাৱ; বিজেপিৰ ৱাক আউট
বিশেষ ডিজিপি (আইন-শৃংখলা) জিপি সিঙে টুইটযোগে কয়, “আজি @DIR_VAC_ASSAM এটা দলে পথ কৰ পৰিশোধৰ সুবিধা কৰি দিয়াৰ বাবে অভিযোগকাৰীৰ পৰা সন্দেহযুক্ত বিষয়াৰ হৈ উৎকোচৰ ধন গ্ৰহণ কৰাৰ পিছত ডিব্ৰুগড়ৰ ডিটিঅ’ কাৰ্যালয়ৰ পৰা পংকজ শইকীয়া (দালাল) আৰু কনিষ্ঠ সহায়ক দিতিমনি গগৈক গ্ৰেপ্তাৰ কৰে।”
Today, a Team from the @DIR_VAC_ASSAM trapped red-handed & arrested Sri Pankaj Saikia@Gogoi (tout) & Smt Ditimoni Gogoi,Jr Asstt in DTO Office Dibrugarh after he accepted bribe money on behalf of suspect officer from the complainant for facilitating ofline payment of Road Tax. pic.twitter.com/AEp7GAbRHF
— GP Singh (@gpsinghips) October 19, 2022
তেওঁলোকৰ বিৰুদ্ধে সংশ্লিষ্ট ধাৰাৰ অধীনত এটা গোচৰ ৰুজু কৰা হৈছে।
