সংসদৰ চৌহদত দেশৰ উপ-ৰাষ্ট্ৰপতিক ভেঙুচালি কৰিছে তৃণমূলৰ সাংসদ কল্যাণ বেনাৰ্জীয়ে। মোবাইলত সেই মিমিক্ৰিৰ ভিডিঅ’ কৰিছে ৰাহুল গান্ধীয়ে। মঙলবাৰে বিয়লি এই ভিডিঅ’ ভাইৰেল হোৱাৰ লগে লগে চাঞ্চল্যৰ সৃষ্টি হয়।
ৰাজ্যসভাত এই ধৰণৰ কৌতুকক ‘লজ্জাজনক’ বুলি জগদীপ ধনখৰে নিজেই সমালোচনা কৰে। তীব্ৰতৰ হৈ পৰে বিতৰ্ক। অৱশেষত প্ৰধানমন্ত্ৰী মোদীয়ে ফোনযোগে উপ-ৰাষ্ট্ৰপতিৰ ওচৰত দুখ প্ৰকাশ কৰে। উপ-ৰাষ্ট্ৰপতি পদৰ মৰ্যাদা আছে। সেই পদত পদাধিকাৰীৰ আচৰণক লৈ এনে ব্যংগ কৰিব পাৰি?
এনে বহু প্ৰশ্ন উত্থাপন হোৱাৰ মাজতে কল্যাণৰ আচৰণ বিতৰ্কত মুখ খুলিলে তৃণমূল নেত্ৰী মমতা বেনাৰ্জীয়ে।
লগতে পঢ়কঃ ডুবাইত ডুবিল পঞ্জাব কিংছ! নিলামত ভুলতে ‘অচিনাকি খেলুৱৈ’ কিনিলে প্ৰীতি জিন্তাই!
বুধবাৰে প্ৰধানমন্ত্ৰী নৰেন্দ্ৰ মোডীক সাক্ষাৎ কৰাৰ পিছত সাংবাদিকসকলে মমতাক কল্যাণ বেনাৰ্জীৰ কটুক্তি সন্দৰ্ভত প্ৰশ্ন কৰে। ইয়াৰ উত্তৰত তেওঁ কয়, ‘আমি সকলোকে সন্মান কৰো, অসন্মানৰ কোনো বিষয় নাই। ৰাজনৈতিক বিষয়ত মই কোনো মন্তব্য নকৰো। সংসদীয় দলৰ নেতা সুদীপ বেনাৰ্জী আৰু ডেৰেক অ’ব্ৰাইনে এই সন্দৰ্ভত মন্তব্য দিব।’
তাৰ পিছতে মমতাই কয়, “এইটো সাধাৰণ তৰলভাৱে কৰা। আমি কাকো অসন্মান নকৰো। অসন্মান কৰা আমাৰ উদ্দেশ্য নহয়। আৰু তাৰোপৰি ৰাহুল গান্ধীয়ে মোবাইলত ভিডিঅ’গ্ৰাফী নকৰা হ’লে কোনেও গমেই নাপালেহেঁতেন।‘’
লগতে পঢ়কঃ পত্ৰৰ পিছত পত্ৰ! প্ৰতাৰক চন্দ্ৰশেখৰৰ পৰা বাচিবলৈ নিৰাপত্তা বিচাৰিলে অভিনেত্ৰী জেকলিনে
ইপিনে, সেই দিনটোত মুখ্যমন্ত্ৰী মমতা বেনাৰ্জীয়ে প্ৰধানমন্ত্ৰী মোডীৰ সৈতে বৈঠকত মিলিত হৈ পশ্চিমবংগই পাবলগীয়া বকেয়া ধন পৰিশোধ কৰিবলৈ দাবী জনায়। তাত আছিল এটা তৃণমূলৰ ৯ জনীয়া প্ৰতিনিধি দল। তৃণমূলৰ সূত্ৰ অনুসৰি এই প্ৰতিনিধি দলত প্ৰথমে শ্ৰীৰামপুৰৰ সাংসদ কল্যাণ বেনাৰ্জীৰ নাম অন্তৰ্ভুক্ত কৰা হৈছিল। কিন্তু দেখা যায় যে কল্যাণ বেনাৰ্জীক মোডীক সাক্ষাৎ কৰাৰ সময়ত প্ৰতিনিধি দলত অন্তৰ্ভুক্ত কৰা নহ’ল।
