মহাকাশ এক ৰহস্যময় সম্পদৰে পৰিপূৰ্ণ! সমগ্ৰ বিশ্বই আৰু এক বিৰল মুহূৰ্তৰ সাক্ষী হ’বলৈ ওলাইছে। আজি নিশিমুৰা নামৰ ধুমকেতু এটাই পৃথিৱীক অতিক্ৰমি যাবলৈ ওলাইছে। সেয়াই নহয়, খালী চকুৰে ধুমকেতুটো দেখা পোৱা যাব। এই সেউজীয়া ৰঙৰ ধুমকেতুটোক নাম দিয়া হৈছে ‘নিশিমুৰা’।
জানিব পৰা মতে, এই নামটো জাপানে দিছিল। যোৱা ১১ আগষ্টত প্ৰথমবাৰৰ বাবে আকাশত এই ধুমকেতুটো আৱিষ্কাৰ কৰিছিল জাপানী জ্যোতিৰ্বিজ্ঞানী হিদেও নিশিমুৰাই। এই ছবিখন তেওঁ অত্যাধুনিক টেলিস্কোপৰ জৰিয়তে তুলিছিল। এই ধুমকেতুৰ নাম তেওঁৰ নামেৰে ৰখা হৈছে।
গৱেষকসকলে কৈছে, মঙলবাৰে নিশিমুৰাই পৃথিৱীক অতিক্ৰম কৰিব। ইয়াৰ আকাৰ প্ৰায় এক কিলোমিটাৰ। আজি প্ৰায় ১২.৫ কোটি কিলোমিটাৰ দূৰত্বৰ পৰা ধুমকেতুটোৱে পৃথিৱীক ‘বাই বাই’ দিব। আৰু সেই মুহূৰ্তত নিশিমুৰাৰ গতিবেগ হ’ব পাৰে ২ লাখ ৪০ হাজাৰ মাইল।
লগতে পঢ়ক: নখ-দন্তহীন বলিং শ্বাহীন বাহিনীৰ! বিৰাট-ৰাহুলৰ দুৰ্দান্ত শতক, কুলদীপৰ পাঁচ উইকেট; বিধ্বস্ত পাকিস্তান
আজিৰ পৰা ৪৩৭ বছৰৰ পাছত পুনৰ দৃশ্যমান হ’ব ধুমকেতুটো। স্বাভাৱিকতে মঙলবাৰে ইয়াক প্ৰত্যক্ষ কৰাৰ সুযোগ কোনেও হেৰুৱাব বিচৰা নাই।
গৱেষকসকলৰ মতে এই ধুমকেতুটো চাবলৈ কোনো উন্নত দূৰবীণৰ প্ৰয়োজন নহ’ব। খালী চকুৰে দেখা পোৱা যাব। নাছাই কয় যে নিশিমুৰা সৌৰজগত পাৰ হৈ যোৱাৰ সময়ত আৰু উজ্জ্বল হৈ পৰিব।
পেৰিছ মানৱ নিৰীক্ষণ কেন্দ্ৰৰ জ্যোতিৰ্পদাৰ্থবিজ্ঞানী নিকোলাছ বিভাৰৰ ভাষাত, “নিশিমুৰাৰ আৱিষ্কাৰ বহু দিনৰ আগতে হোৱা নাছিল। আৰু ইমান কম সময়ৰ ভিতৰতে ইয়াক চাবলৈ পোৱাটো বৰ ভাগ্যৰ কথা। আৰু কাৰো হয়তো কেতিয়াও ইয়াক চাবলৈ ভাগ্য নহ’ব। কাৰণ ৪০০ বছৰলৈকে ইয়াক পুনৰ দেখা নাযাব।”
আনহাতে, হাল বিশ্ববিদ্যালয়ৰ অধ্যাপক ব্ৰেড গিবছনে কয়, “নিশিমুৰাক দেখাৰ সুযোগ হয়তো জীৱনত এবাৰহে আহিব। আৰু সেয়া কোনো অতিৰঞ্জিত নহয়। সমগ্ৰ বিশ্বই এই সেউজীয়া ধুমকেতুটোৰ সাক্ষী হ’বলৈ অপেক্ষা কৰি আছে।”
লগতে পঢ়ক: ‘সুখী’ কৰিবলৈ ৰাজি নাছিল শিল্পা! কেনেকৈ প্ৰস্তুত হ’ল মোহময়ী অভিনেত্ৰীগৰাকী?
উল্লেখ্য যে নিশিমুৰাৰ আৱিষ্কাৰৰ মাত্ৰ এমাহ পাৰ হৈ গ’ল। এই সময়ছোৱাৰ ভিতৰতে ই সন্মুখলৈ আহিবলৈ লৈছে। আৰু তাৰ পিছতে বিজ্ঞানী মহলত ব্যপক চৰ্চা আৰম্ভ হৈছে। তেওঁলোকে ভাবে যে ঘটনাটো অত্যন্ত বিৰল। এতিয়া সমগ্ৰ বিশ্বই নিশিমুৰাৰ সাক্ষী হ’বলৈ অপেক্ষা কৰি আছে। জীৱনত এবাৰেই যে পোৱা যাব এই সুযোগ!
