দেশজুৰি নিৰ্বাচনী বণ্ড ইছ্যুক লৈ সৃষ্টি হৈছে তীব্ৰ চৰ্চা। ইফালে দেখা গৈছে যে এতিয়ালৈকে প্ৰায় ১৬ হাজাৰ কোটি টকা নিৰ্বাচনী বণ্ডৰ ধন ৰাজনৈতিক দলসমূহৰ পুঁজিলৈ গৈছে। ইয়াৰ বেছিভাগেই বিজেপিৰ পুঁজিলৈ গৈছে।
দেখা গৈছে যে যোৱা বিত্তীয় বৰ্ষলৈকে সকলো ৰাজনৈতিক দললৈ ১২ হাজাৰ কোটি টকাৰ ওপৰত গৈছিল। এই নিৰ্বাচনী বণ্ডৰ বিষয়টো আৰম্ভ হৈছিল ২০১৮ চনৰ পৰা। আৰু পৰিসংখ্যাই দেখুৱাইছে যে শাসকীয় বিজেপিয়ে ইয়াৰ প্ৰায় ৫৫ শতাংশ লাভ কৰিছিল। ইয়াৰ পৰিমাণ প্ৰায় ৬৫৬৫ কোটি টকা।
নিৰ্বাচন আয়োগ আৰু এছ’চিয়েশ্যন ফৰ ডেম’ক্ৰেটিক ৰিফৰ্মছৰ পৰা পোৱা তথ্য আৰু টাইমছ অৱ ইণ্ডিয়াৰ প্ৰতিবেদন অনুসৰি এই সৱিশেষ পোহৰলৈ আহিছে।
লগতে পঢ়কঃ অনুশোচনাত দগ্ধ জাদেজাঃ ছৰফৰাজক প্ৰশংসাৰে কৰিলে ভুল স্বীকাৰ
ইফালে, ২০১৮ চনৰ মাৰ্চৰ পৰা ২০২৪ চনৰ জানুৱাৰীলৈকে লাভ কৰা পৰিসংখ্যা অনুসৰি নিৰ্বাচনী বণ্ড বিক্ৰীৰ জৰিয়তে মুঠ ১৬,৫১৮.১১ কোটি টকা আহিছে। এডিআৰৰ তথ্য অনুসৰি এই কথা জানিব পৰা গৈছে।
ইফালে আটাইতকৈ ডাঙৰ কথাটো হ’ল এটা ৰাজনৈতিক দলৰ পুঁজিত থকা বৃহৎ পৰিমাণৰ ধনৰ ৫০ শতাংশতকৈও অধিক এই নির্বাচনী বণ্ডৰ পৰাই আহে৷
সেইদৰে, পৰিসংখ্যা অনুসৰি বিগত কেইবছৰমানৰ পৰা বেছিভাগ ক্ষেত্ৰতে বিজেপিৰ আয় ভয়ংকৰভাৱে বৃদ্ধি পোৱা বুলি জনা গৈছে। কিন্তু কংগ্ৰেছৰ আয় বহু ক্ষেত্ৰত হ্ৰাস পাইছে।
২০১৮-১৯ চনত বিজেপিৰ আয় প্ৰায় দুগুণ বৃদ্ধি পাই ২৪১০ কোটি হয়। আনহাতে, সেই সময়ছোৱাত কংগ্ৰেছৰ আয়ো সামান্য বৃদ্ধি পালে। কংগ্ৰেছৰ আয় বৃদ্ধি পায় ৯১৮ কোটিলৈ। পূৰ্বে তেওঁলোকৰ আয় আছিল ১৯৯ কোটি।
লগতে পঢ়কঃ শীঘ্ৰেই উপলব্ধ হ’ব কেঞ্চাৰৰ ভেকচিনঃ ঘোষণা ৰুছ ৰাষ্ট্ৰপতি পুটিনৰ
ইপিনে, যোৱা বিত্তীয় বৰ্ষত অৰ্থাৎ ২০২২-২৩ বিত্তীয় বৰ্ষত বিজেপিৰ মুঠ আয় ২৩৬০ কোটি টকা। তাৰ ভিতৰত ১৩০০ কোটি আহিছিল নিৰ্বাচনী বণ্ডৰ পৰা।
আটাইতকৈ গুৰুত্বপূৰ্ণ কথাটো হ’ল এই বণ্ডসমূহ ক্ৰয় বা দানৰ কোনো সীমা নাই। ৰাজনৈতিক দলৰ পুঁজিত ১০০০, ১০,০০০, ১ লাখ, ১০ লাখ, ১ কোটি পৰ্যন্ত ধন জমা হৈছে। এই ধনৰাশি ভাৰতীয় ষ্টেট বেংকত জমা কৰা হয়। কিন্তু যদি ১৫ দিনৰ ভিতৰত তেওঁলোকৰ একাউণ্টলৈ নিয়া নহয় তেন্তে সেই ধন প্ৰধানমন্ত্ৰীৰ সাহায্য পুঁজিলৈ যায়।
ইপিনে, নিৰ্বাচনী বণ্ডৰ ওপৰত উচ্চতম ন্যায়ালয়ৰ নিৰ্দেশনাৰ পিছতে বিৰোধীয়ে মুখ খুলিছে। তেওঁলোকৰ দাবী এয়া নৰেন্দ্ৰ মোডীৰ দুৰ্নীতিগ্ৰস্ত নীতিৰ আন এক প্ৰমাণ। বিজেপিয়ে নিৰ্বাচনী বণ্ডক উৎকোচ আৰু কমিচন লোৱাৰ মাধ্যম কৰি তুলিলে। আজি এই বিষয়টো অনুমোদন হৈছে। ৰাহুল গান্ধীয়ে তেওঁৰ এক্স হেণ্ডেলত এইদৰে লিখিছে।
লগতে পঢ়কঃহিতেশ দেৱশৰ্মাৰ বিৰুদ্ধে এশ কোটি টকাৰ মানহানি গোচৰ সমুজ্জল ভট্টাচাৰ্যৰ
কংগ্ৰেছ সভাপতি মল্লিকাৰ্জুন খাৰ্গে উচ্চতম ন্যায়ালয়ৰ সিদ্ধান্তক আদৰণি জনাইছে, যিয়ে মোডী চৰকাৰৰ ক’লা ধন ৰূপান্তৰ আঁচনিখন বাতিল কৰে।
তেওঁ কয় যে আমি আশা কৰোঁ মোডী চৰকাৰে ভৱিষ্যতে এনে বেয়া চিন্তাধাৰা বন্ধ কৰি উচ্চতম ন্যায়ালয়ৰ কথা শুনিব, যাতে গণতন্ত্ৰ, স্বচ্ছতা আৰু সমতাপূৰ্ণ প্ৰতিদ্বন্দ্বিতা অক্ষুণ্ণ থাকে।
