চৈয়দ মুস্তাক আলী ট্ৰফীত গঢ়ি উঠিল বিশ্ব অভিলেখ। ছিকিমৰ বিৰুদ্ধে ২০ অভাৰত ৩৪৯ ৰান সংগ্ৰহ কৰে বৰোডাই। টি-২০ ফৰ্মেটত এইটো সৰ্বাধিক ৰান। ইয়াৰ পূৰ্বে এই অভিলেখ জিম্বাবুৱেৰ হাতত আছিল।
মাত্ৰ ৪৩ দিনতে ভংগ হ’ল বিশ্ব অভিলেখ। বৰোদাৰ এই বিশ্ব অভিলেখত মুখ্য ভূমিকা পালন কৰিছিল ভানু পানিয়াই। তেওঁ ৫১টা বলত ১৩৪ ৰান সংগ্ৰহ কৰে। তদুপৰি টি-২০ত এটা ইনিংছত সৰ্বাধিক ছয় মৰাৰ অভিলেখো হৈছে মেচখনত।
দুৰ্বল ছিকিমৰ বিৰুদ্ধে বৰোদাই আৰম্ভণিৰে পৰা আক্ৰমণ অব্যাহত ৰাখিছিল। কোনো বলাৰক ৰেহাই দিয়া নাছিল। পানিয়াৰ ১৩৪ ৰানৰ ইনিংছত ১৫টা ছয় আছিল।মাৰিছে পাঁচটা চাৰিও। বৰোদাৰ প্ৰতিজন বেটছমেনে উল্লেখযোগ্য ৰান সংগ্ৰহ কৰে।
লগতে পঢ়কঃ চিবিআইৰ বেশ ধৰি ‘ডিজিটেল এৰেষ্ট’ প্ৰাক্তন ‘মিছ ইণ্ডিয়া’ক! ৯৯ হাজাৰ টকা লুটি নিলে মডেলৰ
শিৱলিক শৰ্মা (১৭ বলত ৫৫ৰান), অভিমন্যু সিং (১৭ বলত ৫৩ ৰান), বিষ্ণু সোলাংকী (১৬ বলত ৫৫ৰান) আৰু শ্বাশ্বত ৰাৱাটে (১৬ বলত ৪৩ ৰান)ৰ অৰিহণা যোগায়। সকলোৱে মিলি ৩৭টা ছয় আৰু ১৮টা চাৰি মাৰে।
প্ৰথমে বেটিং কৰি বৰোডাই ৫.১ অভাৰতে ৯২ ৰান সংগ্ৰহ কৰে। ষষ্ঠ অভাৰত দুজন অ’পেনাৰ আউট হৈ ঘূৰি গ’লেও তেওঁলোকে ছন্দ হেৰুৱা নাছিল। তৃতীয় উইকেটত ৯৪ ৰান আৰু পঞ্চম উইকেটত ৮৮ ৰানৰ যুটীয়ে বৰোদাক বিশ্ব অভিলেখ গঢ়াত সহায় কৰে।
লগতে পঢ়কঃ শৰীৰত ভিটামিন ডি পাবলৈ কেতিয়া, কিমান সময় ৰ’দ পুৱাব লাগে? জানি লওক সঠিক পদ্ধতি
টি-২০ত প্ৰথমবাৰৰ বাবে ৩০০ ৰান অতিক্ৰম কৰিছিল নেপালে। যোৱা বছৰৰ এছিয়ান গেমছত মংগোলিয়াৰ বিৰুদ্ধে ৩১৪/৩ ৰান কৰিছিল। জিম্বাবুৱেই সেই অভিলেখ ভংগ কৰে। চলিত বৰ্ষৰ ২৩ অক্টোবৰত দলটোৱে গাম্বিয়াৰ বিৰুদ্ধে ৩৪৪/৪ ৰান কৰিছিল। এইবাৰ বৰোদাই সেই অভিলেখ ভংগ কৰিলে। টেষ্ট খেলা দেশবোৰৰ ভিতৰত সৰ্বাধিক ৰান সংগ্ৰহৰ অভিলেখ হৈছে ভাৰতৰ। অক্টোবৰ মাহত বাংলাদেশৰ বিৰুদ্ধে ভাৰতে ২৯৭/৬ ৰান সংগ্ৰহ কৰিছিল।
