প্ৰধানমন্ত্ৰী কিষাণ আঁচনিত অসমৰ ডাবল ইঞ্জিন চৰকাৰৰ ৫৬৭ কোটি টকাৰ দুৰ্নীতি; উদঙালে কেগে

বিৰোধী শাসিত ৰাজ্যসমূহত সংঘটিত দুৰ্নীতিৰ ক্ষেত্ৰত অতি তৎপৰ কেন্দ্ৰ মোদী চৰকাৰ। কিন্তু বিজেপিৰ ডাবল ইঞ্জিন চৰকাৰ থকা ৰাজ্যত ইয়াৰ বিপৰীত। তাত কেন্দ্ৰীয় প্ৰকল্পত বিত্তীয় কেলেংকাৰীৰ অভিযোগ বাৰে বাৰে উত্থাপন হোৱাৰ পিছতো আবণ্টন বন্ধ নহ’ল। এইবাৰ সেই তালিকাত যোগ হৈছে অসমৰ নাম।

কম্প্ট্ৰোলাৰ এণ্ড অডিটৰ জেনেৰেল (কেগ)ৰ প্ৰতিবেদনত খোদ নৰেন্দ্ৰ মোডীৰ প্ৰধানমন্ত্ৰী কিষাণ সন্মান নিধি আঁচনিত কোটি কোটি টকাৰ দুৰ্নীতিৰ তথ্য পোৱা গৈছে। বিজেপিৰ হিন্দুত্ববাদী পোষ্টাৰ বয় হিমন্ত বিশ্ব শৰ্মাৰ চৰকাৰৰ বিৰুদ্ধে উঠিছে অভিযোগ। দুৰ্নীতিৰ পৰিমাণো শুনি চকু কপালত উঠা- ৫৬৭ কোটি টকাৰ।

কেগৰ প্ৰতিবেদন অনুসৰি অসমত এই আঁচনিৰ ১৫ লাখতকৈ অধিক হিতাধিকাৰী আৰ্থিক সাহায্যৰ যোগ্য নহয়। আনকি ইয়াৰ ভিতৰত ৭২ শতাংশ ভুৱা। মুঠ এনে ভুৱা গ্ৰাহকৰ সংখ্যা হৈছে ১১,৩১,১৫২ জন। দৰাচলতে বাস্তৱত তেওঁলোকৰ কাকোৱেই বিচাৰি পোৱা নাযায়।

লগতে পঢ়কঃ অসমৰ পৰা ট্ৰেন্সফৰ্মাৰ লৈ বিহাৰলৈ গৈছিল উত্তৰ প্ৰদেশৰ ট্ৰাক; তালাচীত ওলাই পৰিল জোলোঙাৰ মেকুৰী!

বৃহস্পতিবাৰে কংগ্ৰেছৰ সাংসদ গৌৰৱ গগৈয়ে ছ’চিয়েল মিডিয়াত এই বিষয় সন্দৰ্ভত সৰৱ হৈছে। তেওঁ অভিযোগ কৰে যে অসমৰ বিজেপি চৰকাৰে কৃষকক ‘প্ৰতাৰণা’ কৰিছে।

মোডী চৰকাৰৰ এই আঁচনিৰ লক্ষ্য হৈছে কৃষকক আৰ্থিকভাৱে সহায় কৰা। কেন্দ্ৰই প্ৰতি বছৰে তিনিটা কিস্তিত মুঠ ৬ হাজাৰ টকা পোনপটীয়াকৈ কৃষকৰ বেংক একাউণ্টলৈ প্ৰেৰণ কৰে।

অসম বিধানসভাত দাখিল কৰা কেগৰ প্ৰতিবেদনত স্পষ্টকৈ দেখা গৈছে যে ৰাজ্যত ডাবল ইঞ্জিন প্ৰকল্প ৰূপায়ণৰ ক্ষেত্ৰত ব্যাপক জালিয়াতি সংঘটিত হৈছে। ইয়াৰ বাবে দায়ী প্ৰশাসনিক ত্ৰুটি।

কেগে ২০১৮ চনৰ ডিচেম্বৰৰ পৰা ২০২১ চনৰ মাৰ্চলৈকে পি এম কিষানৰ মূল্যায়ন কৰিছিল। এই সময়ছোৱাত ৪১,৮৭,০২৩খন আবেদনৰ ভিতৰত ১০,৬৬,৫৯৩খন (প্ৰায় ২৫ শতাংশ) আবেদন অযোগ্য বুলি ধৰা পৰিছে। দৰাচলতে ২০২০ চনৰ মে’-জুলাই মাহত অসম চৰকাৰৰ তদন্তত প্ৰকাশ পাইছে যে ৩১,২০,৪৩০ অনুমোদিত হিতাধিকাৰীৰ ৩৭ শতাংশই অযোগ্য হোৱাৰ পিছতো পি এম কিষাণৰ ধন লাভ কৰিছিল।

লগতে পঢ়কঃ হোৱাইট হাউছৰ প্ৰথমগৰাকী মহিলা চীফ অফ ষ্টাফ হিচাপে ছুচি ৱাইলছক নিৰ্বাচিত কৰিলে ট্ৰাম্পে

হিমন্ত বিশ্ব শৰ্মাৰ বিজেপি চৰকাৰৰ বিৰুদ্ধে অভিযোগ উঠিছে যে ভুৱা হিতাধিকাৰী চিনাক্ত হোৱাৰ পিছতো ধন আদায়ৰ কোনো চেষ্টা কৰা নহ’ল। ২০২১ চনৰ অক্টোবৰ মাহলৈকে মাত্ৰ ০.২৪ শতাংশ ধন ঘূৰাই পোৱা হৈছে। কিন্তু কৃষি আৰু কৃষক কল্যাণ মন্ত্ৰালয়ে সেইখিনিও পোৱা নাই। কেগে স্পষ্ট কৰে যে বহু অযোগ্য হিতাধিকাৰী কৃষকেই নহয়। চৰকাৰী কৰ্মচাৰী, আনকি পেঞ্চনাৰৰো সেই তালিকাত নাম আছে।

বৰপেটাকে ধৰি ১১খন জিলাত কেগে মূল্যায়নৰ কাম সম্পন্ন কৰিছে। ইয়াৰ ভিতৰত বৰপেটাতে সৰ্বাধিক ভুৱা হিতাধিকাৰী বা দুৰ্নীতিৰ অভিযোগ আছে। কেগৰ প্রতিবেদন অনুসৰি হিতাধিকাৰীৰ পৰিচয় পৰীক্ষণ আৰু সমগ্র প্রক্রিয়া নিৰীক্ষণত সকলোতে গাফিলতি দেখা গৈছে৷ মুঠ ২২টা ব্লকৰ ৰেকৰ্ড পৰীক্ষা কৰা হৈছে, য’ত মাটিৰ মালিক আৰু কৃষকৰ কোনো তথ্যকোষ বা ডাটাবেচ ৰখা হোৱা নাই।

The misappropriation of funds under the PM-KISAN Yojana flagged by the CAG report is yet another example of mismanagement of the “double-engine” government in Assam. It is unfortunate that only a meagre 0.24% of the whopping ₹567 crores disbursed have been recovered so far.…

— Gaurav Gogoi (@GauravGogoiAsm) November 7, 2024

কিন্তু আটাইতকৈ চিন্তনীয় অভিযোগটো হ’ল বেংক একাউণ্টৰ তথ্যৰ অপব্যৱহাৰ। ১০খন জিলাত একেটা বেংক একাউণ্ট ব্যৱহাৰ কৰি তিনি হাজাৰৰো অধিক হিতাধিকাৰীক নাম অন্তৰ্ভুক্ত কৰা হৈছে। এই গোচৰত ইতিমধ্যে ৯৮জন কৃষি উন্নয়ন বিষয়া জড়িত হৈ পৰিছে। এই বিয়াগোম দুৰ্নীতিয়ে মুখ্যমন্ত্ৰী হিমন্ত বিশ্ব শৰ্মা চৰকাৰৰ স্বৰূপ উদঙাই তুলিছে।