এফবিআইয়ে আমেৰিকাৰ প্ৰাক্তন ৰাষ্ট্ৰপতি ডোনাল্ড ট্ৰাম্পৰ ঘৰত তালাচীৰ সময়ত বিভিন্ন দেশৰ পাৰমাণৱিক তথ্য সম্পৰ্কীয় নথিপত্ৰ উদ্ধাৰ কৰিছে।
আমেৰিকা যুক্তৰাষ্ট্ৰৰ এক প্ৰতিবেদনত এইটোৱেই দাবী কৰা হৈছে। আন দেশৰ প্ৰতিৰক্ষা সম্পৰ্কীয় নথিপত্ৰও উদ্ধাৰ কৰা হৈছে।
যোৱা আগষ্টৰ 8 তাৰিখে এফবিআইয়ে ফ্ল’ৰিডাত ট্ৰাম্পৰ পাম বীচৰ ঘৰত তালাচী চলাইছিল। ঘৰটোৰ পৰা ১১,০০০ তকৈও অধিক নথি-পত্ৰ উদ্ধাৰ কৰা হৈছিল। ৱাশ্বিংটন পোষ্টে এই তথ্যবোৰ ইয়াৰ এক প্ৰতিবেদনত প্ৰকাশ কৰিছে। অৱশ্যে, এফবিআই-য়ে এই তথ্য কোনখন দেশৰ সেয়া প্ৰকাশ কৰা নাই।
লগতে পঢ়ক: অবিশ্বাস্য নহয়! বিশ্বত প্ৰথমবাৰৰ বাবে কোম্পানীৰ চিইঅ’; পদত ‘ৰবট’
জানিব পৰা গৈছে যে উদ্ধাৰ কৰা নথিপত্ৰবোৰ ইমান গোপনীয় যে ৰাষ্ট্ৰপতি আৰু কেবিনেট সদস্যৰ বাহিৰে আন কাকো চাবলৈ অনুমতি দিয়া নহয়। ট্ৰাম্পৰ বাসভৱনত আন দেশৰ পাৰমাণৱিক শক্তিৰ বিৱৰণ কিয় ৰখা হৈছে তাক লৈ প্ৰশ্ন উত্থাপিত হৈছে।
ফ্ল’ৰিডাৰ পাম বীচত ট্ৰাম্পৰ বাসস্থানটো কিছুমান ব্যক্তিৰ বাবে ক্লাব হিচাপেও ব্যৱহাৰ কৰা হয়। দৰাচলতে, ট্ৰাম্পে ৰাষ্ট্ৰপতিৰ প্ৰাসাদ এৰি যাওঁতে বহুখিনি নথিপত্ৰ নিজৰ ওচৰত ৰাখিছিল।
বাৰে বাৰে অনুৰোধ কৰাৰ পিছত ট্ৰাম্পে কিছুমান নথি ঘূৰাই দি কৈছিল যে তেওঁৰ ওচৰত আন কোনো গুৰুত্বপূৰ্ণ নথি পত্ৰ নাই। এফবিআইয়ে ঘৰটোৰ কোনটো অংশত উদ্ধাৰ হোৱা নথিপত্ৰবোৰ পোৱা গৈছিল সেই বিষয়ে একো কোৱা নাই।
লগতে পঢ়ক: ‘বিজেপিক সহায় ব্যৱসায়ী প্ৰশান্ত কিশোৰৰ’: প্ৰাক্তন সতীৰ্থকলৈ বিস্ফোৰক মন্তব্য নীতিশ কুমাৰৰ
ইপিনে, এফবিআইৰ বিষয়াসকলে নথিপত্ৰসমূহ পৰীক্ষা কৰিবলৈ আমেৰিকা যুক্তৰাষ্ট্ৰৰ কেবিনেটৰ পৰা বিশেষ অনুমতি ল’বলগীয়া হৈছে।
