কেজৰিৱালৰে হোৱা টুইটাৰ যুঁজত কংগ্ৰেছ চৰকাৰৰ দিনৰ হিচাপ দিলে মুখ্যমন্ত্ৰী হিমন্ত বিশ্ব শৰ্মাই!

অসম চৰকাৰে ছাত্ৰ-ছাত্ৰী নথকাৰ অজুহাতত ৰাজ্যৰ ৩৬ খনৰো অধিক বিদ্যালয় বন্ধ কৰিবলৈ লোৱা সিদ্ধান্তৰ বিৰুদ্ধে বিভিন্ন জনে প্ৰতিক্ৰিয়া ব্যক্ত কৰাৰ মাজতে দেশৰ শিক্ষা ব্যৱস্থাত আমূল পৰিৱৰ্তন আনিবলৈ সক্ষম হোৱা দিল্লীৰ মুখ্যমন্ত্ৰী অৰবিন্দ কেজৰিৱালেও আনকি অসমৰ বহু বিদ্যালয় বন্ধ কৰিবলৈ লোৱা সিদ্ধান্ত সন্দৰ্ভত প্ৰতিক্ৰিয়া ব্যক্ত কৰিছিল।

টুইটাৰত অৰবিন্দ কেজৰিৱালে কয়: ‘’বিদ্যালয় বন্ধ কৰাটো সমাধান নহয়। আমি সমগ্ৰ দেশতে বহুতো নতুন বিদ্যালয় খুলিব লাগিব। বিদ্যালয় বন্ধ কৰাৰ পৰিৱৰ্তে, বিদ্যালয়বোৰ উন্নত কৰক আৰু শিক্ষা ব্যৱস্থা উন্নত কৰক।‘’

লগতে পঢ়ক: বিধায়ক ভাঙিবলৈ ৮০০ কোটি টকা খৰচ কৰিব বিচাৰিছে বিজেপিয়ে: কেজৰিৱালৰ বিস্ফোৰণ

তাৰ পাছতে কেজৰিৱালক উভতি ধৰি কংগ্ৰেছ চৰকাৰৰ দিনৰ পৰা হোৱা কামৰ হিচাপ দাঙি ধৰিলে হিমন্ত বিশ্ব শৰ্মাই। ইয়াৰ লগতে দিল্লী চৰকাৰৰ বিদ্যালয়ৰ সংখ্যাকলৈয়ো হিচাপ হিচাৰে অসমৰ মুখ্যমন্ত্ৰীগৰাকীয়ে।

টুইটাৰত কেজৰিৱালক প্ৰত্যুত্তৰ দি ডঃ শৰ্মাই কয়, “প্ৰত্যেক দিনাৰ দৰে আপুনি কোনো হোমৱৰ্ক অবিহনে কিবা এটাৰ ওপৰত মন্তব্য কৰিছে! শিক্ষামন্ত্ৰী হিচাপে মোৰ দিনৰ পৰা, এতিয়ালৈকে, অনুগ্ৰহ কৰি মন কৰিব, অসম চৰকাৰে ৮৬১০ খন নতুন বিদ্যালয় স্থাপন/অধিগ্ৰহণ কৰিছে।”

Dear @ArvindKejriwal Ji – As usual you commented on something without any homework!

Since my days as Edu Minister, till now, please note, Assam Govt has established/ taken over 8610 NEW SCHOOLS; break-up below.

How many new schools Delhi Government has started in last 7 yrs? https://t.co/PTV7bO4GKL

— Himanta Biswa Sarma (@himantabiswa) August 25, 2022

কেজৰিৱাললৈ ডঃ শৰ্মাৰ প্ৰশ্ন “যোৱা ৭ বছৰত দিল্লী চৰকাৰে কিমানখন নতুন বিদ্যালয় আৰম্ভ কৰিছে?’’

লগতে পঢ়ক: আঁচনিৰ ক্ষেত্ৰত সঘনাই বিজ্ঞাপন দিয়া মুখ্যমন্ত্ৰীয়ে চৰকাৰী বিদ্যালয়ত ছাত্র-ছাত্রীক পঢ়াবলৈ কিয় বিজ্ঞাপন দিব নোৱাৰে?: কৃষক মুক্তি

মুখ্যমন্ত্ৰীয়ে দাঙি ধৰা হিচাপ এনেধৰণৰ “প্ৰাদেশিকীকৰণ বা ২০১৩ চনৰ পৰা প্ৰাদেশিককৰণ বা চৰকাৰী ভাণ্ডাৰলৈ অধিগ্ৰহণ কৰা: প্ৰাথমিক ৬৮০২; মাধ্যমিক ১৫৮৯, কস্তুৰবা গান্ধী বালিকা বিদ্যালয়:৮১, নেতাজী সুভাষ চন্দ্ৰ বসু আৱাসিক বিদয়ালয়:৩, আদৰ্শ বিদ্যালয়:৩৮, চাহ বাগিচা মডেল স্কুল:৯৭।

দিল্লীৰ পৰিসংখ্যা জানিবলৈ আগ্ৰহী বুলিও হিমন্ত বিশ্ব শৰ্মাই উল্লেখ কৰে।

লগতে পঢ়ক: কোচবিহাৰ কেন্দ্ৰীয় শাসিত ৰাজ্যত বিটিআৰ অঞ্চল; অনন্ত ৰায় মহাৰাজৰ মন্তব্যক লৈ তুমুল প্ৰতিক্ৰিয়া

উল্লেখ্য চৰকাৰী শিক্ষা ব্যৱস্থালৈ চকুত লগা পৰিৱৰ্তন আনিবলৈ সক্ষম হোৱা দিল্লীৰ চৰকাৰী বিদ্যালয়ৰ কথা আমেৰিকাৰ বিখ্যাত ’নিউয়ৰ্ক টাইমছ’ কাকতৰ প্ৰথম পৃষ্ঠাতে প্ৰকাশ পাইছে। তেনে সময়তে অসমত চৰকাৰে বিদ্যালয় বন্ধ কৰিবলগীয়া হোৱা কথাই বহুতকে চিন্তিত কৰি তুলিছে।