Pregnant rape victim burnt alive তিনি মাহ পূৰ্ব এগৰাকী যুৱতীক এজন ব্যক্তিয়ে ধৰ্ষণ কৰিছিল। তিনি মাহৰ পিছত তেওঁক জীৱন্তে জ্বলাই দিয়াৰ অভিযোগ উঠিছে। ঘটনাটো উত্তৰ প্ৰদেশৰ মনপুৰী জিলাত সংঘটিত হৈছে।
পৰিয়ালটোৱে স্থানীয় আৰক্ষী থানাত এখন এজাহাৰ দাখিল কৰিছে। আৰক্ষীয়ে এই ঘটনাত অভিযুক্ত তিনিজন লোকক বিচাৰি আছে।
ভুক্তভোগীগৰাকীৰ মাতৃৰ মতে অভিষেক নামৰ এজন ব্যক্তিয়ে তিনি মাহ আগতে তেওঁৰ কন্যাক ধৰ্ষণ কৰিছিল। পৰিয়ালটোৰ বদনাম হোৱাৰ ভয়ত যুৱতীগৰাকীয়ে প্ৰথমতে তেওঁৰ নাম ক’ব বিচৰা নাছিল।
কিন্তু কেইদিনমান পিছত গম পোৱা গৈছিল যে যুৱতীগৰাকী অন্ত:সত্তা আৰু তাৰ পিছতে স্থানীয় পঞ্চায়তক অৱগত কৰা হৈছিল। স্থানীয় পঞ্চায়তে সিদ্ধান্ত লৈছিল যে অভিযুক্ত আৰু অন্ত:সত্তা যুৱতীগৰাকীৰ বিয়া পাতি হ’ব।
অভিযুক্তৰ মাতৃয়ে তেতিয়া যুৱতীগৰাকীক তেওঁলোকৰ ঘৰলৈ লৈ গৈছিল আৰু তেওঁৰ শৰীৰত পেট্ৰ’ল ঢালি জুই লগাই দিছিল। ধৰ্ষণৰ ভুক্তভোগীৰ পৰিয়ালে এইটোৱেই অভিযোগ কৰিছে।
যুৱতীগৰাকীক মনপুৰী জিলা চিকিৎসালয়ত ভৰ্তি কৰোৱা হৈছে। তেওঁৰ অৱস্থা বৰ্তমান সংকটজনক। ধৰ্ষণৰ বলি হোৱা মাতৃয়ে দাখিল কৰা এজাহাৰৰ ভিত্তিত অভিযুক্তৰ সন্ধানত অভিযুক্তক গ্ৰেপ্তাৰ কৰাৰ প্ৰক্ৰিয়া চলাইছে আৰক্ষীয়ে।