পখিলা খেদাৰ বয়সত, স্কুললৈ যোৱাৰ বয়সত নুজুদক বিয়া দি উলিয়াই দিয়া হৈছিল। বিয়াৰ সময়ত তাই বয়স আছিল মাত্ৰ ৯ বছৰ।
নুজুদৰ মাক দেউতাকৰ ১৬ টা সন্তান আছিল। যাৰ বাবে কন্যাক বিয়া দিবৰ বাবে হেতা উপৰা লগাইছিল পিতৃয়ে। সেয়ে ২০০৮ চনত ত্ৰিশ বছৰীয়া ফাইজ আলী থামেৰৰ সৈতে বিবাহপাশত আবদ্ধ হ’বলগীয়া হৈছিল নুজুদ।
লগতে পঢ়কঃ পতঞ্জলিৰ ঔষধ বন্ধ কৰি দিলে নেপাল ঔষধ নিয়ন্ত্ৰক কৰ্তৃপক্ষই
বিয়াৰ প্ৰথম নিশাই ৩০ বছৰীয়া স্বামী ফাইজ আলীয়ে ৯ বছৰীয়া পত্নী নুজুদৰ ওপৰত জঁপিয়াই পৰিছিল। ৯ বছৰ বয়সতে নিজৰ স্বামীৰ দ্বাৰা ধৰ্ষিতা হৈছিল নুজুদ।
মধ্যপ্ৰাচ্য আটাইতকৈ দৰিদ্ৰ দেশ য়েমেনৰ এটা দৰিদ্ৰ সংৰক্ষণশীল মুছলীম পৰিয়ালত জন্ম হৈছিল নুজুদ আলিৰ। ইয়াৰ উপৰিও য়েমেনৰ আইন অনুসৰি বাল্যবিবাহ হৈছে আইন স্বৃকীত। য়েমেনৰ এটা জনপ্ৰিয় প্ৰবাদ হৈছে, “যদি কুমাৰী পত্নী বিচাৰে তেন্তে আঠ বছৰীয়া ছোৱালীক বিয়া কৰাওক।” আৰু নুজুদৰ লগতো সেইটোৱেই হ’ল।
বিয়াৰ প্ৰথম নিশা পৰাই তাই ভোগ কৰিবলগীয়া হৈছিল স্বামীগৃ্হৰ অত্যাচাৰ। গোটেই দিন হাড় ভঙা পৰিশ্ৰম আৰু ৰাতি স্বামীৰ দ্বাৰা অত্যাচাৰ আৰু ধৰ্ষণ।
লগতে পঢ়কঃ পৈশাচিক ! ১০ বছৰীয়া শিশুৰ যৌনাংগত দোকানীয়ে ঘঁহি দিলে জলকীয়া
নুজুদে যেতিয়া দেউতাকৰ ঘৰলৈ উভতি যাব বিচাৰে তেতিয়া দেউতাকে সকীয়াই দিয়ে যে নুজুদ শহুৰেকৰ ঘৰৰ পৰা ওলাই আহিলে দেউতাকৰ ঘৰত থাকিবলৈ নিদিয়ে। সেয়ে তাই নীৰৱে সহ্য কৰি গৈছিল সকলো অন্যায়।
এই শ্বাসৰুদ্ধকৰ জীৱনৰ পৰা মুক্তি অৱশেষত নুজুদে মুক্তি লাভ কৰিছিল ২০০৮ চনৰ ২ এপ্ৰিলত। নুজুদৰ পিতৃৰ দ্বিতীয় পত্নীৰ পৰামৰ্শ মতে নুজুদে ৰুটি কিনিবলৈ যোৱাৰ অজুহাতত বিবাহ বিচ্ছেদ বিচাৰি আদালতলৈ পলায়ন কৰে।
কিন্তু য’ত বাল্যবিবাহ বৈধ, তাত তাই কি কৰিব? অৱশ্যে নুজুদে হাৰ নামানিলে। তাইৰ কাষতে থিয় দিলেহি তাইৰ দৰে এগৰাকী যুঁজাৰু, য়েমেনৰ প্ৰথম মহিলা অধিবক্তা ছাদা নাছেৰে।
য়েমেনত বাল্য বিবাহ আইন সন্মত যদিও নুজুদৰ বিয়াৰ সময়তে তাই শাৰীৰিকভাবে নিজে সাজু হৈ নুঠালৈকে স্বামীয়ে তাইৰ লগত যৌন সম্পৰ্ক স্থাপন কৰিব নোৱাৰিব বুলি চুক্তি কৰা আছিল। অৱশেষত নুজুদ আৰু অধিবক্তা ছাদাই বিবাহৰ পূৰ্বৰ চুক্তি উলংঘা কৰি স্বামীয়ে তাইক ধৰ্ষণ কৰা বুলি যুক্তি দি গোচৰটোত জয়ী হয়।
লগতে পঢ়কঃ কাৰাগাৰত বাৰে বাৰে ধৰ্ষিতা হৈছিলো: চৌডি নাৰীবাদী নেত্ৰীৰ স্বীকোৰোক্তিত ব্যাপক প্ৰতিক্ৰিয়া
ন্যায়াধীশ মহম্মদ আল-গাদাই কণমানি ছোৱালীজনীৰ কাষত থিয় দি নুজুদৰ স্বামী আৰু পিতৃ দুয়োকে গ্ৰেপ্তাৰ কৰাৰ নিৰ্দেশ দিয়ে। অৱশেষত ন্যায়াধীশে প্ৰথমতে দিয়া পাঁচ বছৰীয়া ‘বিবাহৰ পৰা অন্তৱৰ্তীকালীন’প্ৰস্তাৱৰ বিৰুদ্ধে নুজুদে বিবাহ বিচ্ছেদ ল’বলৈ সক্ষম হ’ল।
২০০৮ চনৰ ১৫ এপ্ৰিলত আদালতে বিবাহ বিচ্ছেদ ঘোষণা কৰি নুজুদৰ স্বামীক বিবাহ চুক্তি ভংগ কৰাৰ ক্ষতিপূৰণ হিচাপে প্ৰাক্তন পত্নীক প্ৰতিমাহে ২৫০ মাৰ্কিন ডলাৰ দিবলৈ নিৰ্দেশ দিয়ে।
নুজুদে নিজৰ অধিকাৰৰ বাবে কৰা এই সংগ্ৰামৰ সন্মানত সেই বছৰ আমেৰিকাৰ মহিলা আলোচনী “গ্লেমাৰ”ত “বছৰৰ মহিলা” তথা গ্লেমাৰৰ ‘ৱমেন অৱ দ্য ইয়েৰ’ হিচাপে নিৰ্বাচিত কৰা হৈছিল।
লগতে পঢ়কঃ ধৰ্ষণৰ গোচৰত চিনেমা পৰিচালক হাৰ্ভি : প্ৰমাণিত হ’ল অপৰাধ
গোচৰটোত জয়ী হোৱাৰ পিছত নুজুদে আন এখন চহৰলৈ গৈ পুনৰ পঢ়া-শুনা আৰম্ভ কৰিছিল। ২০০৯ চনত তেওঁ ফৰাচী সাংবাদিক ডেলফিন মিনৌইৰ সৈতে নিজৰ জীৱনৰ বিষয়ে এখন কিতাপ লিখে, যাৰ নাম আছিল “মই নুজুদ, বয়স ১০ আৰু বিবাহ বিচ্ছেদ”। আজি প্ৰায় ডেৰ দশক পিছতো সেই কিতাপখনে নুজুদৰ দৰে বহু নিৰ্যাতিতা ছোৱালীক বাট দেখুৱাইছে। আজিও নুজুদে বাল্য বিবাহ আৰু নাৰী নিৰ্যাতনৰ বিৰুদ্ধে এগৰাকী সক্ৰিয়কৰ্মী হিচাপে কাম কৰি আছে।
লগতে পঢ়কঃ শেহতীয়া NCRB প্ৰতিবেদন: ধৰ্ষণৰ ঘটনাৰ ক্ষেত্ৰত দেশৰ ভিতৰত দ্বিতীয় স্থানত অসম
